ఏపీ స్థానిక సంస్థల ఎన్నికలపై సుప్రీంకోర్టు కీలక ఆదేశాలు

న్యూఢిల్లీ :ఆంధ్రప్రదేశ్‌లో స్థానిక సంస్థల ఎన్నికలు నిర్వహించేందుకు సుప్రీంకోర్టు ఆమోదం తెలిపింది. హైకోర్టు విధించిన గడువులోగా ఎన్నికల ప్రక్రియను పూర్తి చేసేందుకు తాము సిద్ధంగా ఉన్నామని రాష్ట్ర ఎన్నికల సంఘం (SEC) అత్యున్నత న్యాయస్థానానికి స్పష్టం చేసింది. ఈ సందర్భంగా ఓటర్ల జాబితాపై సుప్రీంకోర్టు కీలక ఆదేశాలు జారీ చేసింది. ఎన్నికల నోటిఫికేషన్ విడుదలయ్యే సమయానికి సవరించిన ప్రత్యేక సమగ్ర సర్వే (SIR) ఓటర్ల జాబితా సిద్ధమైతే దాని ప్రకారమే ఎన్నికలు నిర్వహించాలని, ఒకవేళ ఆ సర్వే ప్రక్రియ పూర్తికాకపోతే పాత ఓటర్ల జాబితా ఆధారంగానే ఎన్నికల ప్రక్రియను పూర్తి చేయాలని స్పష్టం చేసింది. దీంతో రాష్ట్రంలో స్థానిక పోరుకు మార్గం సుగమమైంది.