కొణిదెన ఎస్సీ హరిజనవాడలో కాలువల పూడికతీత పనులు

సూర్య న్యూస్ బల్లికురవ :బల్లికురవ మండలం లోని కొణిదెన గ్రామం ఎస్సీ హరిజనవాడ ప్రధాన సైడ్ కాలువలో పేరుకుపోయిన పూడికను తొలగించడంతో పాటు,కాలువలో పెరిగిన పిచ్చిమొక్కలు,జంగిల్‌ను తొలగించే పనులు చేపట్టారు.కాలువలను శుభ్రం చేయడం ద్వారా మురుగునీరు సక్రమంగా ప్రవహించేందుకు చర్యలు తీసుకుంటున్నారు.కాలువల్లో పూడిక పేరుకుపోవడం,పిచ్చిమొక్కలు పెరగడం వల్ల మురుగునీటి ప్రవాహానికి ఆటంకాలు ఏర్పడే అవకాశం ఉంది.ఈ సమస్యలను నివారించేందుకు పూడికతీత,శుభ్రత పనులు నిర్వహిస్తున్నారు.పరిసరాలను పరిశుభ్రంగా ఉంచడంతో పాటు,మురుగునీరు నిల్వ ఉండకుండా చూడటం ఈ పనుల ప్రధాన ఉద్దేశం.గ్రామంలో పారిశుద్ధ్య నిర్వహణకు ప్రాధాన్యతనిస్తూ కాలువల శుభ్రత పనులు చేపట్టడంపై స్థానికులు హర్షం వ్యక్తం చేస్తున్నారు.కాలువల నిర్వహణను నిరంతరం పర్యవేక్షిస్తూ గ్రామంలో పరిశుభ్రమైన వాతావరణం ఉండేలా చర్యలు తీసుకోవాలని గ్రామస్థులు కోరుతున్నారు.