telanagana
బతుకమ్మ పండుగకు ముందస్తు ఏర్పాట్లు
సూర్య, జన్నారం : పొనకల్ గ్రామ పంచాయతీ పరిధిలో గల 14 వార్డుల్లో బతుకమ్మ పండుగను పురస్కరించుకుని సర్పంచ్ జక్కు సుష్మ భూమేష్ ఆధ్వర్యంలో బతుకమ్మ ఆడే ప్రదేశాలను శుభ్రం చేయిస్తున్నారు. పొనకల్ మేజర్ పంచాయతీ పరిధిలో ఉన్న అన్ని బతుకమ్మ ఆడే ప్రదేశాలను బ్లేడ్ ట్రాక్టర్ తోపాటు ఎంపీడబ్లు వర్కర్స్ సహాయంతో శుభ్రం చేయిస్తున్నారు.
ఆడబిడ్డలు బతుకమ్మ పండుగను ఆనందోత్సాహాలతో నిర్వహించుకునేందుకు, బతుకమ్మ ప్రదేశాల్లో పేరుకుపోయిన చెత్తాచెదారం తొలగించి, పరిసరాలను పరిశుభ్రంగా ఉంచేలా చర్యలు తీసుకుంటున్నారు. ఈ సందర్భంగా పొనకల్ సర్పంచ్ జక్కు సుష్మ భూమేష్ మాట్లాడుతూ పొనకల్ గ్రామ ప్రజలకు, అక్క చెల్లెళ్ళకు బతుకమ్మ పండుగ శుభాకాంక్షలు తెలుపుతూ బతుకమ్మ పండుగ అంటేనే ఆడబిడ్డల పండగ అని అన్నారు. ఈ కార్యక్రమంలో ఈవో రాహుల్, పాలకవర్గం పాల్గొన్నారు.
