జాతీయ సదస్సు బ్రోచర్ ఆవిష్కరణ

నగరం, మేజర్ న్యూస్:
స్థానిక శ్రీ వెలగపూడి రామకృష్ణ స్మారక కళాశాలలో ఈనెల 29, 30 తేదీల్లో నిర్వహించనున్న అధునాతన పదార్థాలు, గ్రీన్ కెమిస్ట్రీ, నానోటెక్నాలజీ రంగాల్లో పరిశోధనలను ప్రోత్సహించేందుకు జాతీయ సదస్సు బ్రోచర్‌ను కళాశాల కార్యదర్శి, కరస్పాండెంట్  వి. బుచ్చయ్య చౌదరి, ఆర్.టి.ఇ.ఐ. సొసైటీ, రేపల్లె ఉపాధ్యక్షులు ఎన్. వెంకట కృష్ణ ప్రసాద్, ప్రిన్సిపల్ డాక్టర్ అనగాని హరి కృష్ణలు ఆవిష్కరించారు. అధునాతన పదార్థాలు, గ్రీన్ కెమిస్ట్రీ, నానోటెక్నాలజీ రంగాల్లో పరిశోధనలను ప్రోత్సహించేందుకు ఈ సదస్సు ఎంతో ఉపయోగపడుతుందని వారు తెలిపారు. సదస్సుకు కన్వీనర్‌గా డాక్టర్ పి. శ్రీనివాసరావు, ఆర్గనైజింగ్ సెక్రటరీగా ఆర్. ప్రసన్నబాబులు వ్యవహరిస్తారన్నారు. భౌతిక శాస్త్ర విభాగం నుంచి బి. వెంకటేశ్వరరావు, డి. షారోన్ రోజా, రసాయన శాస్త్ర విభాగం నుంచి డాక్టర్ ఎ. కోటేశ్వరరావు, కె. మాధవ శ్రీనివాస్, ఎ. కోకిల, పి. నాగరాజు, కార్యాలయ సూపరింటెండెంట్ పి. అమరేష్ రెడ్డి తదితరులు సదస్సు నిర్వహణలో పాల్గొంటారన్నారు. రసాయన, భౌతిక శాస్త్రాల విభాగాలు, ఐక్యూఏసీల సహకారంతో నిర్వహిస్తున్నందున విద్యార్థులు, అధ్యాపకులు, పరిశోధకులు పాల్గొనాలని కోరారు.