భూమి కోసం రక్తసంబంధాన్ని మరిచిన కొడుకు..

 తండ్రిని రాయితో కొట్టి హత్య… భూమి కోసం కన్నతండ్రినే హతమార్చిన దారుణ ఘటన రంగారెడ్డి జిల్లా ఫరూక్ నగర్ మండలం దూసకల్ గ్రామంలో చోటుచేసుకుంది. బాధితుడు భాగం పోచయ్య (70). నిందితుడు అతని కుమారుడు భాగం మల్లేష్ గా పోలీసులు గుర్తించారు. భూ వివాదమే హత్యకు కారణమని ప్రాథమికంగా తెలుస్తోంది.

స్థానికుల కథనం ప్రకారం.. మల్లేష్ మద్యానికి బానిసై కుటుంబ భూమిలో కొంత భాగాన్ని అమ్మి సొమ్ము చేసుకున్నాడు. మిగిలిన భూమిని కూడా తన పేరుపై రాయాలని తండ్రిని చాలాకాలంగా వేధిస్తున్నాడు. మనవళ్ల భవిష్యత్తును దృష్టిలో పెట్టుకుని పోచయ్య నిరాకరించడంతో తరచూ గొడవలు జరిగేవి.

ఈ క్రమంలో బుధవారం అర్ధరాత్రి మల్లేష్ ఆగ్రహంతో ఊగిపోయి, నిద్రిస్తున్న తండ్రి తలపై బండరాయితో బలంగా కొట్టి హత్య చేసినట్లు ఆరోపణలు ఉన్నాయి.

సమాచారం అందుకున్న పోలీసులు ఘటనా స్థలానికి చేరుకుని మృతదేహాన్ని పోస్టుమార్టం నిమిత్తం తరలించారు. ఈ మేరకు కేస  నమోదు నమోద చేసుకొని దర్యాప్తు చేస్తున్నట్లు పోలీసులు తెలిపారు 

M. నరసింహ రెడ్డి మేజర్ న్యూస్ ఫరూక్ నగర్…..