రాహుల్ గాంధీ పోరాటానికి మద్దతుగా జగ్గారెడ్డి దీక్ష

రాహుల్ గాంధీ పోరాటానికి మద్దతుగా కాంగ్రెస్ వర్కింగ్ కమిటీ (CWC) ప్రత్యేక ఆహ్వానితుడు, టీపీసీసీ కార్యనిర్వాహక అధ్యక్షుడు జగ్గారెడ్డి సంగారెడ్డిలోని అంబేద్కర్ విగ్రహం వద్ద దీక్ష చేపట్టారు. ఈ సందర్భంగా ఆయన మాట్లాడుతూ, దేశ ప్రజల సంక్షేమం మరియు రాజ్యాంగ పరిరక్షణ కోసం రాహుల్ గాంధీ సుదీర్ఘ పోరాటం చేస్తున్నారని, ఆయన ఎంతకాలం పోరాటం కొనసాగిస్తే అంతకాలం తాను కూడా దీక్షలో కూర్చుంటానని స్పష్టం చేశారు. ఎలక్షన్ కమిషన్ (ఈసీ)ని అడ్డుపెట్టుకుని బీజేపీ రకరకాల కుట్రలు చేస్తోందని, ప్రధాని నరేంద్ర మోదీ నేతృత్వంలో కాంగ్రెస్ పార్టీని అణగదొక్కేందుకు విశ్వప్రయత్నాలు చేస్తున్నారని ఆయన తీవ్రస్థాయిలో ధ్వజమెత్తారు. జ్ఞానేష్ రాజీనామా చేసేవరకు ఈ పోరాటాన్ని ఆపేదే లేదని జగ్గారెడ్డి హెచ్చరించారు.