టీబీ ముక్త్ పంచాయతీ’ అవార్డు అందుకున్న సర్పంచ్ తీర్పారి నాగమణి ఆంజనేయులు

టీబీ ముక్త్ పంచాయతీ’ అవార్డు అందుకున్న సర్పంచ్ తీర్పారి నాగమణి ఆంజనేయులు

????వెలగలగూడెం గ్రామ పంచాయతీకి టీబీ ముక్త్ పంచాయతీ అవార్డు

మునుగోడు,మేజర్ న్యూస్:

మండలంలోని  వెలగలగూడెం గ్రామ పంచాయతీకి టీబీ ముక్త్ పంచాయతీగా ప్రత్యేక గుర్తింపు లభించింది.గురువారం జిల్లా కేంద్రంలో టీబీ ముక్త్ భారత్ అభియాన్’ కార్యక్రమంలో భాగంగా నిర్వహించిన అవార్డుల ప్రధానోత్సవంలో గ్రామ సర్పంచ్ తీర్పారి నాగమణి ఆంజనేయులు జిల్లా కలెక్టర్ బడుగు చంద్రశేఖర్, ఎమ్మెల్సీ శంకర్ నాయక్ చేతుల మీదుగా అవార్డుతో పాటు ప్రశంసా పత్రాన్ని అందుకున్నారు.
గ్రామస్థాయిలో టీబీ వ్యాధి నియంత్రణ, అనుమానితులను గుర్తించడం, అవసరమైన వైద్య పరీక్షలు చేయించడం, వ్యాధిపై ప్రజల్లో అవగాహన కల్పించినందుకు గ్రామానికి గుర్తింపు లభించింది.
ఈ సందర్భంగా ఆమె  మాట్లాడుతూ టీబీ నిర్మూలనకు ప్రభుత్వం చేపడుతున్న కార్యక్రమాలకు గ్రామస్థాయిలో ప్రజల భాగస్వామ్యం ఎంతో కీలకమని పేర్కొన్నారు. వెలుగులగూడెం పంచాయతీ టీబీ రహిత గ్రామంగా గుర్తింపు పొందేందుకు కృషి చేసిన ఆరోగ్య సిబ్బంది, పంచాయతీ సిబ్బంది, గ్రామ ప్రజలను అభినందించారు.
గ్రామాన్ని టీబీ రహిత పంచాయతీగా నిలబెట్టడంలో ప్రతి ఒక్కరి సహకారం ఉందని తెలిపారు. భవిష్యత్తులోనూ ప్రజల ఆరోగ్య పరిరక్షణకు ప్రాధాన్యతనిస్తూ గ్రామాన్ని మరింత అభివృద్ధి దిశగా ముందుకు తీసుకెళ్తామని పేర్కొన్నారు. వెలగలగూడెంకు లభించిన ఈ అవార్డుపై గ్రామస్థులు హర్షం వ్యక్తం చేశారు.