వన్యప్రాణి సంరక్షణలో ప్రజలు భాగస్వాములు కావాలి..

ఆవాసాల అనుసంధానం..  వృద్ధి చెందుతున్న జాతులు...  నినాదపు ఇతివృత్తంతో.. 72వ వన్యప్రాణి  వారోత్సవాలు...  నెల్లూరు రేంజ్ ఆఫీసర్   ఎస్ మాల్యాద్రి పిలుపు...

నెల్లూరు,  వేదాయపాలెం,  మేజర్ న్యూస్  :   ప్రకృతి ప్రసాదించిన స్వచ్ఛమైన.. ఆహ్లాదకరమైన అటవీ వనరులను ఆవాసాలుగా చేసుకొని హాయిగా జీవిస్తున్న అమాయక వన్యప్రాణులను సంరక్షించుకోవాల్సిన బాధ్యత అటవీఉద్యోగుల తోపాటు ప్రజలందరిపై ఉందని అటవీ టెరిటోరియల్ విభాగం నెల్లూరు రేంజ్ ఆఫీసర్   ఎస్ మాల్యాద్రి పిలుపునిచ్చారు.72వ వన్యప్రాణి వారోత్సవాల ముగింపు సందర్భాన్ని పురస్కరించుకుని గురువారం ఆయన మీడియాతో మాట్లాడుతూ...జిల్లా ఇన్చార్జి అటవీఅధికారి శ్రీకాంత్ రెడ్డి ఆదేశాల మేరకు నెల్లూరు రేంజ్ ఆధ్వర్యంలో ఈనెల 2న గాంధీ జయంతి రోజున ప్రారంభించి గురువారం వరకు వారం రోజులపాటు నిర్వహించిన వన్యప్రాణి వారోత్సవాల కార్యక్రమాల ద్వారా జీవవైవిధ్య పరిరక్షణపై  ప్రజలకు అవగాహన కల్పించడం జరిగిందని తెలిపారు.  ఆవాసాల అనుసంధానం.. వృద్ధి చెందుతున్న వన్యప్రాణులు  అనే అంశంతో కూడిన ఇతివృత్తంతో 72వ వన్నెప్రాణి వారోత్సవ కార్యక్రమాలు ఈ నెల 2 నుంచి 8 వరకు  రోజులపాటు నిర్వహించిన అవగాహన సదస్సుల్లో భాగంగా ప్రకృతి ప్రసాదించిన అటవీ వనరులు- వన్యప్రాణుల ప్రాముఖ్యత..అడవి జంతువుల ఆవాసాల పరిరక్షణ.. ఆవశ్యకత.. అక్రమ వేట వల్ల ఎదురయ్యే ప్రాణ నష్టాలు.. తదితర అంశాలపై ప్రయోగాత్మక చర్యల ద్వారా ప్రజలకు అర్థమయ్యే రీతిలో వివరించడం జరిగిందన్నారు. వన్యప్రాణుల ఆవశ్యకతపై అటు ప్రజలు..ఇటు యువత.. ముఖ్యంగా అటవీ ప్రాంతాలతో మమేకమై ఉండే  గిరిజనుల్లో పూర్తిస్థాయి అవగాహన పెంపొందించేందుకే వన్యప్రాణి వారోత్సవాలు కార్యక్రమాలను చేపట్టినట్లు ఆయన వివరించారు.