విద్యార్థుల భవిష్యత్తుకు పూర్తి సహకారం అందిస్తాం
విద్యార్థుల భవిష్యత్తుకు పూర్తి సహకారం అందిస్తాం
-పాఠశాల విద్యార్థులకు బూట్ల పంపిణీ
-నారాయణరావుపేట సర్పంచ్ ఎల్లారెడ్డి
సిద్దిపేట రూరల్, : విద్యార్థుల అభ్యున్నతికి ఎల్లప్పుడూ అండగా ఉంటామని నారాయణరావుపేట గ్రామ సర్పంచ్ ఎల్లారెడ్డి అన్నారు. గురువారం నారాయణరావుపేట జిల్లా పరిషత్ ఉన్నత పాఠశాలలో ప్రధానోపాధ్యాయుడు నాగరాజు, ఉపాధ్యాయులతో కలిసి విద్యార్థులకు బూట్లు పంపిణీ చేశారు.ఈ సందర్భంగా సర్పంచ్ ఎల్లారెడ్డి మాట్లాడుతూ విద్యార్థులు లక్ష్యాలను నిర్దేశించుకుని పట్టుదలతో చదివి ఉన్నత శిఖరాలను అధిరోహించాలని సూచించారు. ప్రభుత్వ పాఠశాలల్లో మెరుగైన విద్యతో పాటు అవసరమైన సదుపాయాల కల్పనకు కృషి చేస్తామని తెలిపారు.విద్యార్థులు బాగా చదువుకుని తల్లిదండ్రులకు, గ్రామానికి మంచి పేరు తీసుకురావాలని ఆకాంక్షించారు.విద్యార్థుల భవిష్యత్తును తీర్చిదిద్దడంలో ఉపాధ్యాయుల పాత్ర ఎంతో కీలకమని, వారి అభివృద్ధికి గ్రామ ప్రజాప్రతినిధులుగా ఎల్లప్పుడూ సహకారం అందిస్తామని స్పష్టం చేశారు. ఈ కార్యక్రమంలో ఉపాధ్యాయులు, విద్యార్థులు పాల్గొన్నారు.
