మోదీ దిష్టిబొమ్మ దగ్ధానికి యత్నించిన కాంగ్రెస్ నాయకులు...
మోదీ దిష్టిబొమ్మ దగ్ధానికి యత్నించిన కాంగ్రెస్ నాయకులు....
మద్దూరు..…మద్దూరు మండల కేంద్రంలో కాంగ్రెస్ పార్టీ మండల అధ్యక్షులు మారెళ్ళ భాస్కర్ రెడ్డి ఆధ్వర్యంలో గురువారం ప్రధాని నరేంద్ర మోడీ దిష్టిబొమ్మ దగ్ధానికి యత్నించి నిరసన వ్యక్తం చేశారు. ఈ కార్యక్రమానికి ముఖ్యఅతిథిగా మార్కెట్ కమిటీ వైస్ చైర్మన్ బోయిని శ్రీనివాస్ హాజరయ్యారు. విషయం తెలుసుకున్న మద్దూర్ ఎస్సై మహమ్మద్ ఆసిఫ్ తమ సిబ్బందితో మండల కేంద్రానికి చేరుకొని దిష్టిబొమ్మ దగ్ధాన్ని అడ్డుకున్నారు. ఈ సందర్భంగా మండల అధ్యక్షుడు మారేళ్ల భాస్కర్ రెడ్డి మాట్లాడుతూ బిజెపి పై ఓటు చోరీ పై వస్తున్న ఆరోపణల నేపథ్యంలో ప్రజాస్వామ్య పరిరక్షణ కోసం పోరాడుతున్న లోక్సభ ప్రతిపక్ష నేత రాహుల్ గాంధీ ప్రియాంక గాంధీ సీనియర్ కాంగ్రెస్ నాయకులు ఇండియా కూటమి ఎంపీలపై జరిగిన దౌర్జన్యాన్ని ఖండిస్తూ ఎఐసిసి పిలుపుమేరకు మండల కేంద్రంలో ప్రధాని నరేంద్ర మోడీ దిష్టిబొమ్మ దహన కార్యక్రమాన్ని చేపట్టి నిరసన వ్యక్తం చేయడం జరిగింది అన్నారు. ఈ కార్యక్రమంలో కాంగ్రెస్ పార్టీ నాయకులు కార్యకర్తలు యూత్ కాంగ్రెస్ నాయకులు తదితరులు పాల్గొన్నారు.
