రైతు పోరాటానికి సీపీఐ సంపూర్ణ మద్దతు

రైతు పోరాటానికి సీపీఐ సంపూర్ణ మద్దతు
ఎమ్మిగనూరు, సూర్య ప్రతినిధి

ఎమ్మిగనూరు పట్టణంలోని వైఎస్సార్‌సీపీ కార్యాలయంలో గురువారం సాయంత్రం వైఎస్సార్‌సీపీ ఎమ్మిగనూరు నియోజకవర్గ ఇన్‌చార్జ్ ఎర్రకోట రాజీవ్‌రెడ్డితో సీపీఐ నేతలు భేటీ అయ్యారు. ఎమ్మిగనూరు, గోనెగండ్ల, నందవరం మండలాలను తీవ్ర కరువు మండలాలుగా ప్రకటించాలనే డిమాండ్‌తో వైఎస్సార్‌సీపీ చేపడుతున్న రైతు పోరుబాటకు తమ సంపూర్ణ మద్దతు ఉంటుందని సీపీఐ నేతలు తెలిపారు.
ఈ సందర్భంగా మూడు మండలాల్లో నెలకొన్న కరువు పరిస్థితులు, వర్షాభావంతో రైతులు ఎదుర్కొంటున్న ఇబ్బందులు, పంట నష్టంపై చర్చించారు. కరువు పరిస్థితులను ప్రభుత్వం గుర్తించి, రైతులను ఆదుకునే చర్యలు చేపట్టాలని కోరారు. రైతుల సమస్యల పరిష్కారం కోసం చేపట్టే పోరాటంలో కలిసి ముందుకు సాగుతామని సీపీఐ నేతలు స్పష్టం చేశారు.
ఈ సమావేశంలో సీపీఐ జిల్లా కార్యవర్గ సభ్యులు జి.రంగన్న, భాస్కర్‌యాదవ్, గోనెగండ్ల, నందవరం నాయకులు మద్దిలేటి నాయుడు, విజేంద్ర తదితరులు పాల్గొన్నారు.