పీఎంహెచ్‌ బాలుర హాస్టల్‌లో ఘనంగా ముందస్తు బతుకమ్మ సంబరాలు

సూర్య మంచిర్యాల టౌన్ : మంచిర్యాల పీఎంహెచ్‌ బాలుర హాస్టల్‌లో  వార్డెన్‌ నైతం లక్ష్మణ్‌ ఆధ్వర్యంలో ముందస్తు బతుకమ్మ సంబరాలను గురువార  ఘనంగా నిర్వహించారు. ఈ వేడుకల్లో ఆదివాసీ కోయ మహిళలు, హాస్టల్‌ విద్యార్థులు, సిబ్బంది పాల్గొని బతుకమ్మను అలంకరించి సంప్రదాయబద్ధంగా సంబరాలు జరుపుకున్నారు.ఈ సందర్భంగా మహిళలు సంప్రదాయ దుస్తుల్లో బతుకమ్మ చుట్టూ చేరి పాటలు పాడుతూ, కోలాటాలు వేస్తూ ఉత్సాహంగా పాల్గొన్నారు. విద్యార్థులు, హాస్టల్‌ సిబ్బంది కూడా వేడుకల్లో భాగస్వాములై బతుకమ్మ పండుగ విశిష్టతను చాటారు.ఈ కార్యక్రమంలో ఆదివాసీ కోయ మహిళా అధ్యక్షురాలు నైతం కమలతో పాటు కుడిమెత చంద్రకళ, ఆర్క రాజేశ్వరి, ఆర్క నిరోషా, నైతం సౌమ్య, తలండి స్వరూప, ఎలాది లత తదితరులు పాల్గొన్నారు.హాస్టల్‌ ఆవరణలో పండుగ వాతావరణం నెలకొనగా, విద్యార్థులు ఉత్సాహంగా బతుకమ్మ సంబరాల్లో పాల్గొన్నారు.