బీఆర్ఎస్ ఉద్యమ నాయకుడు జీడిపల్లి కిషన్ కుటుంబాన్ని పరామర్శించిన...
బీఆర్ఎస్ ఉద్యమ నాయకుడు జీడిపల్లి కిషన్ కుటుంబాన్ని పరామర్శించిన…ఎమ్మెల్యే కొత్త ప్రభాకర్ రెడ్డి...
దుబ్బాక ; బీఆర్ఎస్ పార్టీ ఉద్యమ నాయకులు నగరం గ్రామ నివాసి జీడిపల్లి కిషన్ మృతి చెందిన విషయం తెలుసుకున్న దుబ్బాక ఎమ్మెల్యే కొత్త ప్రభాకర్ రెడ్డి వారి కుటుంబ సభ్యులను పరామర్శించి ప్రగాఢ సానుభూతి తెలియజేశారు.
కిషన్ మరణవార్త తనను తీవ్రంగా కలచివేసిందని ఎమ్మెల్యే పేర్కొన్నారు. ఉద్యమ కాలం నుంచి పార్టీ కోసం అంకితభావంతో పనిచేసిన కిషన్ సేవలను ఈ సందర్భంగా స్మరించుకున్నారు. పార్టీ కోసం ఎన్నో కష్టనష్టాలను ఎదుర్కొని, ఉద్యమంలో తన వంతు పాత్ర పోషించిన ఒక ఆత్మీయ సహచరుడిని కోల్పోవడం బాధాకరమని అన్నారు.కిషన్ కుటుంబ సభ్యులను ఓదార్చుతూ ఈ క్లిష్ట సమయంలో ధైర్యంగా ఉండాలని సూచించారు. కిషన్ భౌతికంగా మన మధ్య లేకపోయినా పార్టీ కోసం ఆయన చేసిన సేవలు ఉద్యమంలో ఆయన అందించిన సహకారం ఎప్పటికీ గుర్తుండిపోతాయని ఎమ్మెల్యే అన్నారు.
ఈ విషాద సమయంలో కిషన్ కుటుంబానికి బీఆర్ఎస్ పార్టీ తాను ఎల్లప్పుడూ అండగా ఉంటామని ఎమ్మెల్యే కొత్త ప్రభాకర్ రెడ్డి భరోసా ఇచ్చారు.ఈ కార్యక్రమంలో స్థానిక బీఆర్ఎస్ నాయకులు కార్యకర్తలు గ్రామస్థులు పాల్గొని జీడిపల్లి కిషన్ మృతికి సంతాపం తెలిపారు.
