సీపీ చిత్రపటానికి బీఆర్ఎస్ శ్రేణుల పాలాభిషేకం

 సూర్య తిమ్మాపూర్: అవినీతి ఆరోపణల నేపథ్యంలో తిమ్మాపూర్ సీఐ బొల్లం రమేశ్‌, ఎల్‌ఎండీ ఎస్‌ఐ అన్వర్‌తో పాటు ఓ కానిస్టేబుల్‌పై శాఖాపరమైన చర్యలు తీసుకోవడంపై బీఆర్ఎస్ శ్రేణులు హర్షం వ్యక్తం చేశాయి. గురువారం తిమ్మాపూర్ మండల కేంద్రంలోని బీఆర్ఎస్ కార్యాలయంలో రాష్ట్ర నాయకుడు కేతిరెడ్డి దేవేందర్‌రెడ్డి ఆధ్వర్యంలో కరీంనగర్ పోలీస్ కమిషనర్ గౌస్‌ఆలం చిత్రపటానికి పాలాభిషేకం నిర్వహించారు.ఈ సందర్భంగా నాయకులు మాట్లాడుతూ.. అవినీతి ఆరోపణలపై స్పందించి, బాధితులకు న్యాయం జరిగేలా చర్యలు తీసుకున్న పోలీస్ కమిషనర్‌కు కృతజ్ఞతలు తెలిపారు. పోలీసు వ్యవస్థపై ప్రజలకు నమ్మకం కలిగేలా ఇలాంటి చర్యలు కొనసాగాలని వారు కోరారు. కార్యక్రమంలో బీఆర్ఎస్ నాయకులు, కార్యకర్తలు పాల్గొన్నారు.