ఢిల్లీలో తీవ్రతరం అవుతున్న నిరసనలు: CEC జ్ఞానేష్ కుమార్ రాజీనామాకు 'ఇండియా' కూటమి డిమాండ్

న్యూఢిల్లీ:దేశ రాజధాని ఢిల్లీలో 'ఇండియా' (INDIA) కూటమి ఎంపీలు, నాయకుల ఆందోళనలు తీవ్రరూపం దాల్చాయి. ఓటర్ల జాబితా ప్రత్యేక పరిశీలన (SIR) ప్రక్రియను వెంటనే రద్దు చేయాలని మరియు సీఈసీ (CEC) జ్ఞానేష్ కుమార్ తన పదవికి రాజీనామా చేయాలని డిమాండ్ చేస్తూ కూటమి నేతలు పెద్ద ఎత్తున నిరసన చేపట్టారు.

ఈ ఆందోళన కార్యక్రమంలో తెలంగాణ ముఖ్యమంత్రి రేవంత్ రెడ్డి పాల్గొని మాట్లాడారు. పూర్వం 'సైమన్ గో బ్యాక్' ఉద్యమం తరహాలోనే ఇప్పుడు 'జీకే, ఎస్ఐఆర్ గో బ్యాక్' (GK, SIR Go Back) ఉద్యమం కొనసాగుతోందని, జ్ఞానేష్ కుమార్ రాజీనామా చేసేవరకు వీధి పోరాటాల నుంచి పార్లమెంట్ వరకు తమ పోరాటం ఆగదని స్పష్టం చేశారు. రాజ్యాంగాన్ని, పౌరుల ఓటు హక్కును కాపాడుకునేందుకే తామంతా రోడ్డెక్కామని ఆయన వెల్లడించారు.