పండగ సీజన్ రద్దీకి చెక్: తెలుగు రాష్ట్రాల్లో పలు ప్రత్యేక రైళ్లు ప్రకటన

హైదరాబాద్, సూర్య :ప్రతినిధి :

దసరా, దీపావళి పండుగల వేళ ప్రయాణికుల రద్దీని దృష్టిలో ఉంచుకుని దక్షిణ మధ్య రైల్వే పలు ప్రత్యేక రైళ్లను ప్రకటించింది. తెలుగు రాష్ట్రాల ప్రజలకు ప్రయాణ ఇబ్బందులు కలగకుండా వివిధ మార్గాల్లో ఈ ప్రత్యేక సర్వీసులను అందుబాటులోకి తెచ్చింది.

చర్లపల్లి-శ్రీకాకుళం మధ్య అక్టోబర్ 6, 13, 20, 27 తేదీలతో పాటు నవంబర్ 3, 10, 17, 24 తేదీల్లో ప్రత్యేక రైళ్లు నడపనున్నారు. అలాగే విశాఖపట్నం-బెంగళూరు వీక్లీ ఎక్స్‌ప్రెస్‌ సర్వీసును నవంబర్ 25 వరకు, నర్సాపూర్-తిరువణ్ణామలై ఎక్స్‌ప్రెస్‌ను నవంబర్ 30 వరకు పొడిగిస్తూ నిర్ణయం తీసుకున్నారు. అంతేకాకుండా, రేపు సికింద్రాబాద్-కాకినాడ మధ్య ప్రత్యేక రైలు నడపనున్నట్లు అధికారులు తెలిపారు. పండుగలకు స్వగ్రామాలకు వెళ్లే ప్రయాణికులు ఈ ప్రత్యేక రైలు సర్వీసులను వినియోగించుకోవాలని రైల్వే శాఖ కోరింది.