ఎమ్మెల్యే మల్ రెడ్డి రంగారెడ్డి పై దుష్ప్రచారం సరికాదు

ఎమ్మెల్యే మల్‌రెడ్డిపై దుష్ప్రచారం సరికాదు

డిసిసి అధికార ప్రతినిధి బైరిక రమాకాంత్ రెడ్డి

ఎమ్మెల్యే మల్‌రెడ్డి రంగారెడ్డిపై సోషల్‌ మీడియాలో వక్రీకరించిన వీడియోతో దుష్ప్రచారం చేయడం సరికాదని డీసీసీ అధికార ప్రతినిధి బైరిక రమాకాంత్‌రెడ్డి అన్నారు. మహాలక్ష్మి పథకం అమలు తీరును తెలుసుకునేందుకు ఎమ్మెల్యే ఆర్టీసీ బస్సులో ప్రయాణించి మహిళలు, విద్యార్థులతో మాట్లాడారని తెలిపారు. ఈ సందర్భంగా ఓ విద్యార్థినితో ఎమ్మెల్యే మాట్లాడిన దృశ్యాలను కొందరు కావాలనే వక్రీకరించి సోషల్‌ మీడియాలో ప్రచారం చేస్తున్నారని ఆరోపించారు. నియోజకవర్గ అభివృద్ధికి ఎమ్మెల్యే చేస్తున్న కృషిని చూసి ఓర్వలేకే ప్రతిపక్షాలు తప్పుడు ప్రచారానికి పాల్పడుతున్నాయని విమర్శించారు. రాజకీయ ప్రయోజనాల కోసం ఓ విద్యార్థిని గౌరవానికి భంగం కలిగించేలా ప్రచారం చేయడం తగదన్నారు. వక్రీకరించిన వీడియోలతో దుష్ప్రచారం చేయకుండా బాధ్యతగా వ్యవహరించాలని సూచించారు.

✍️ఎర్ర లింగం, సూర్య మేజర్ న్యూస్, మంచాల