telanagana
పోలీస్ వాహనం నంబర్‌తో ప్రైవేట్ కారు
సూర్య జగిత్యాల ప్రతినిధి:సాధారణంగా ఒకే వాహన రిజిస్ట్రేషన్ నంబర్‌తో రెండు కార్లు తిరుగుతున్న దృశ్యాలను చూస్తుంటాం. కానీ జగిత్యాల పట్టణానికి చెందిన పోలీస్ వాహనం నంబర్‌తో ఓ ప్రైవేట్ స్విఫ్ట్ కారు తిరుగుతున్న వ్యవహారం చర్చనీయాంశంగా మారింది. జగిత్యాల టౌన్ సీఐ వినియోగించే పోలీస్ వాహన రిజిస్ట్రేషన్ నంబర్‌తోనే ఓ ప్రైవేట్ స్విఫ్ట్ కారు రోడ్లపై తిరుగుతున్నట్లు తెలుస్తోంది. అంతేకాకుండా ఆ ప్రైవేట్ కారుకు వెనుకవైపు పోలీస్ అనే బోర్డు కూడా ఏర్పాటు చేశారు.
ఇక్కడ మరో ఆసక్తికరమైన విషయం ఏమిటంటే.. ఓవర్ స్పీడ్ చాలాన్‌లో 2020లో మార్చి 16 నాటి ప్రైవేట్ స్విఫ్ట్ కారు ఫొటో కనిపిస్తుండగా, దానికి పోలీస్ వాహనం రిజిస్ట్రేషన్ నంబరే ఉంది.
