సౌర విద్యుత్ వినియోగంతో పర్యావరణ పరిరక్షణ - జిల్లా కలెక్టర్ కె.హరిత

సుూర్య ఆసిఫాబాద్ జిల్లా ప్రతినిధి, సౌర విద్యుత్ వినియోగంతో పర్యావరణాన్ని కాపాడుకోవచ్చని జిల్లా కలెక్టర్ కె.హరిత అన్నారు. గురువారం జిల్లా కేంద్రంలోని సమీకృత జిల్లా కలెక్టరేట్ భవన సముదాయం ఆవరణలో ప్రధానమంత్రి సూర్య ఘర్ ముప్త్ బిజిలి యోజన క్రింద సౌర విద్యుత్ వినియోగంపై నిర్వహించిన అవగాహన కార్యక్రమానికి జిల్లా అదనపు కలెక్టర్ (స్థానిక సంస్థలు) యువరాజ్ మర్మాట్ తో కలిసి హాజరయ్యారు. ఈ సందర్భంగా జిల్లా కలెక్టర్ మాట్లాడుతూ ప్రధానమంత్రి సూర్య ఘర్ ముప్త్ బిజిలి యోజన పథకం కేంద్ర ప్రభుత్వం ప్రతిష్టాత్మకంగా ప్రవేశపెట్టిందని, ఈ పథకం ద్వారా గృహ విద్యుత్ వినియోగదారులు తమ ఇండ్ల రూఫ్ టాప్ పై సోలార్ ప్లాంటును ఏర్పాటు చేసుకోవడంతో ప్రతి నెల 360 యూనిట్ల వరకు విద్యుత్ ను పొందవచ్చని తెలిపారు. సోలార్ వినియోగం ద్వారా విద్యుత్ బిల్లులను తగ్గించవచ్చని, అదనపు ఆదాయం పొందవచ్చని తెలిపారు. ప్రతి ఒక్కరూ సోలార్ విద్యుత్ అవగాహన పెంచుకొని, సోలార్ విద్యుత్ వినియోగించుకునేలా ఏర్పాటు చేసుకోవాలని తెలిపారు.ఈ కార్యక్రమంలో విద్యుత్ శాఖ అధికారులు తదితరులు పాల్గొన్నారు.