రైలు కిందపడిన వ్యక్తికి తీవ్ర గాయాలు

రైలు కిందపడి ఓ వ్యక్తికి తీవ్ర గాయాలైన సంఘటన శంకరపల్లి రైల్వే స్టేషన్లో  చోటుచేసుకుంది. రైల్వే పోలీసులు తెలిపిన వివరాల ప్రకారం ఓ గుర్తు తెలియని వ్యక్తి గురువారం సాయంత్రం శంకర్పల్లి నుండి తిరుపతికి వెళ్లే రాయలసీమ ఎక్స్ప్రెస్ ట్రైన్ లో, శంకర్పల్లి నుండి తాండూరుకు వెళ్లడానికి  ట్రైన్ ఎక్కుతుండగా ప్రమాదవశాత్తు జారిపడి రైలు కింద పడ్డాడు. పూర్తిగా రైలు కింద పడడంతో వ్యక్తికి ఓ కాలు, చెయ్యి పోయి తీవ్ర గాయాలయ్యాయని తెలిపారు. వెంటనే తీవ్ర గాయాలైన వ్యక్తిని 108  అంబులెన్స్ లో సంగారెడ్డి ప్రభుత్వ ఆసుపత్రికి తరలించామని తెలిపారు. ఇంకా వ్యక్తి గురించి ఎలాంటి వివరాలు తెలియలేవని, అతని దగ్గర ఉన్న బస్సు టికెట్ ద్వారా వ్యక్తి తాండూరు సమీప గ్రామానికి చెందిన వాడని పోలీసులు తెలిపారు.
- మాడిశెట్టి రాజశేఖర్ : మేజర్ న్యూస్, శంకర్ పల్లి.