ఆదిత్య ఇంజనీరింగ్ కళాశాల విద్యార్థుల అద్భుత ప్రతిభ

స్టైపెండ్ ఆధారిత ఇంటర్న్‌షిప్‌లు 25 మంది ఎంపిక

• అభినందించిన కళాశాల యాజమాన్యం 
  మదనపల్లె : పుంగనూరు రోడ్డులోని ఆదిత్య కాలేజ్ ఆఫ్ ఇంజినీరింగ్ మదనపల్లెకు చెందిన 25 మంది విద్యార్థులు బెంగళూరుకు చెందిన ఎస్ఎస్ఎన్ ఐటీ టెక్నాలజీ ప్రైవేట్ లిమిటెడ్ గురువారం నిర్వహించిన క్యాంపస్ ప్లేస్‌మెంట్ డ్రైవ్‌లో స్టైపెండ్ ఆధారిత ఇంటర్న్‌షిప్‌లకు ఎంపికయ్యారు.ఇంటర్న్‌షిప్ లో విద్యార్థుల ప్రతిభ,పనితీరు ఆధారంగా తదుపరి రూ.2.4 లక్షల నుంచి రూ.4 లక్షల వరకు వార్షిక సీటీసీతో ఉద్యోగావకాశాలు పొందే అవకాశం ఉంది.ఎంపికైన విద్యార్థులకు వారి ఆఫర్ లెటర్లలో పేర్కొన్న నిబంధనల ప్రకారం స్టైపెండ్ ఆధారిత ఇంటర్న్‌షిప్‌లు అందించనున్నారు.ఈ సందర్భంగా 25 మంది విద్యార్థులు ఎంపిక కావడం పట్ల కళాశాల యాజమాన్యం,అధ్యాపకులు హర్షం వ్యక్తం చేసి,విద్యార్థులకు అభినందనలు తెలిపారు.ఈ కార్యక్రమానికి డైరెక్టర్ డాక్టర్ ఎస్.రామలింగారెడ్డి,ప్రిన్సిపాల్ డాక్టర్ రాయుడు పెయ్యాల మార్గదర్శకత్వం అందించారు.డాక్టర్ డి.శ్రీనివాసులు రెడ్డి డీన్  ప్లేసెమెంట్స్, డాక్టర్ ఆర్.కిరణ్ కుమార్,ప్లేసెమెంట్ ఆఫీసర్ విద్యార్థులకు అవసరమైన మార్గదర్శకత్వం,శిక్షణ మరియు ప్లేస్‌మెంట్ ప్రక్రియలో సమన్వయం అందించారు.కళాశాల యాజమాన్యం మాట్లాడుతూ విద్యార్థులకు విద్యతో పాటు పరిశ్రమ అవసరాలకు అనుగుణమైన నైపుణ్యాలు,ప్రాక్టికల్ అనుభవం మరియు ఉద్యోగ అవకాశాలు కల్పించేందుకు నిరంతరం కృషి చేస్తున్నట్లు తెలిపారు.25 మంది విద్యార్థులకు స్టైపెండ్ ఆధారిత ఇంటర్న్‌షిప్‌లు లభించడం కళాశాలకు గర్వకారణమని పేర్కొంటూ,ఎంపికైన విద్యార్థులకు భవిష్యత్‌లో మరిన్ని విజయాలు సాధించాలని ఆకాంక్షించారు.