రహదారుల పక్కన ప్రమాదకరంగా మారిన కంపచెట్లు తొలగించాలి

-బ్రాహ్మణపల్లి మాజీ సర్పంచ్ పులికంటి లక్ష్మయ్య

మాడ్గుల మండల కేంద్రం నుండి ఆమనగల్లు పట్టణంలోని శ్రీశైలం - హైద్రాబాద్ జాతీయరహదారికి అనుసంధానంగా ఏర్పాటుచేసిన ఆర్ అండ్ బి డబుల్ రోడ్డులో మాడ్గుల చెరువుకట్ట వెనుక,బంగారుగడ్డ, అవురుపల్లి ముత్యాలమ్మ  దేవాలయ సమీపంలో రోడ్డుకు ఇరువైపులా కంపచెట్లు పెరిగి ప్రమాదకంగా మారాయని , అదే విధంగా మాడ్గుల - దేవరకొండ పిడబ్లుడి ప్రధాన రహదారిలో ఉన్న బ్రాహ్మణపల్లి , ఆర్కపల్లి గ్రామాల సమీపంలో కంపచెట్లు పెరిగి తరుచూ వాహనదారులు, ఆటోల్లో ప్రయాణించేవారు గాయాలకు గురవుతున్నారని  బ్రాహ్మణపల్లి మాజీ సర్పంచ్ పులికంటి లక్ష్మయ్య ఆవేదన వ్యక్తం చేశారు. రహదారుల పక్కన ప్రమాదకరంగా మారిన కంపచెట్ల తొలగింపు మొదలు రహదారుల నిర్వాహణ ను సంబంధితశాఖల అధికారులు, ప్రజాప్రతినిధులు పట్టించుకోకపోవడం మూలంగా ప్రజలు, వాహనదారులు ఇబ్బందులకు గురవుతున్నారని ఆయన పేర్కొన్నారు.  ఇప్పటికైనా ఆర్ అండ్ బి, పంచాయతిరాజ్ శాఖ, మండల అధికారులతో పాటు స్థానిక ప్రజాప్రతినిధులు స్పందించి సమస్య పరిష్కారానికి సత్వర చర్యలు చేపట్టాలని మాజీ సర్పంచ్ కోరారు. లేని పక్షంలో ప్రజల సమస్య పట్ల అధికారుల ఉదాసీనతను కల్వకుర్తి ఎమ్మెల్యే కసిరెడ్డి నారాయణరెడ్డి, జిల్లా ఉన్నతాధికారుల దృష్టికి తీసుకెళ్తామని ఆయన పేర్కొన్నారు. ఈ మేరకు శుక్రవారం రహదారుల పక్కన ప్రమాదకరంగా మారిన కంపచెట్ల గురించి ఆయన మేజర్ న్యూస్ తో మాట్లాడుతూ వెల్లడించారు.

---------

ఆర్.నర్సింహ్మ, మేజర్ న్యూస్ : మాడ్గుల