పండుగ వేళ ప్రజలకు ఇబ్బందులు కలగకుండా చర్యలు:సర్పంచ్ జంగం వీరయ్య

అల్లాపూర్‌లో వీధి దీపాల ఏర్పాటు

బషీరాబాద్,మేజర్ న్యూస్( అక్టోబర్ 10):వికారాబాద్ జిల్లా బషీరాబాద్ మండల పరిధిలోని అల్లాపూర్ గ్రామంలో ప్రజల సౌకర్యార్థం పలు వీధుల్లో నూతన వీధి దీపాలను ఏర్పాటు చేశారు. శనివారం గ్రామ సర్పంచ్ జంగం వీరయ్య ఆధ్వర్యంలో ఈ కార్యక్రమాన్ని చేపట్టారు. గ్రామంలోని వీధులు రాత్రి వేళల్లో వెలుగులతో ఉండేలా, ప్రజలకు ఇబ్బందులు కలగకుండా ఈ ఏర్పాట్లు చేసినట్లు సర్పంచ్ తెలిపారు.

ఈ సందర్భంగా సర్పంచ్ జంగం వీరయ్య మాట్లాడుతూ.. పండుగ వేళల్లో గ్రామ ప్రజలకు ఎలాంటి అసౌకర్యం కలగకుండా ముందస్తు చర్యలు తీసుకుంటున్నామని తెలిపారు. గ్రామంలో మౌలిక సదుపాయాల కల్పనతో పాటు ప్రజా సమస్యల పరిష్కారానికి ప్రాధాన్యత ఇస్తామని పేర్కొన్నారు. ప్రజలకు ఏ సమస్య వచ్చినా తమ దృష్టికి తీసుకురావాలని, ఎల్లప్పుడూ అందుబాటులో ఉంటూ సేవలందిస్తామని హామీ ఇచ్చారు.ఈ కార్యక్రమంలో గ్రామ నాయకులు కనిగిరి శామప్ప, ప్రశాంత్, అంజిలప్ప, రాజు, శ్రీనివాస్ తదితరులు పాల్గొన్నారు.

రిపోర్టర్: కాశీం పాషా, బషీరాబాద్, వికారాబాద్ జిల్లా.