పీఎం అజయ్ కు ముత్తారం ఎంపిక

పీఎం – అజయ్‌కు ముత్తారం ఎంపిక

భీమదేవరపల్లి ప్రతినిధి,  ప్రధాన మంత్రి అనుసూచిత జాతుల అభ్యుదయ యోజన (పీఎం–అజయ్‌) కింద భీమదేవరపల్లి మండలంలోని ముత్తారం గ్రామం ఆదర్శ గ్రామంగా ఎంపికైంది. హనుమకొండ జిల్లాలో ముత్తారంతో పాటు ఎల్కతుర్తి మండలంలోని వల్బాపూర్‌ గ్రామాన్ని ఎంపిక చేశారు. పథకంలో భాగంగా గ్రామంలో తాగునీరు, పారిశుధ్యం, రహదారులు, డ్రైనేజీ, వీధిదీపాలు, విద్యా సదుపాయాలు తదితర మౌలిక వసతులను మెరుగుపరచనున్నారు. ఎస్సీ కుటుంబాలకు జీవనోపాధి, స్వయం ఉపాధి, నైపుణ్యాభివృద్ధి అవకాశాలు కల్పించనున్నారు. గ్రామ అవసరాలపై సర్వే నిర్వహించి విలేజ్‌ డెవలప్‌మెంట్‌ ప్లాన్‌ రూపొందించి ప్రాధాన్యతా క్రమంలో అభివృద్ధి పనులు చేపట్టనున్నారు.