రజక సంఘం నూతన కమిటీ ఎన్నిక
మండల అధ్యక్షుడిగా జంగాపల్లి తిరుపతి, కార్యదర్శిగా కనుకుల శంకర్
మహా ముత్తారం,
రజకుల హక్కులు, సంక్షేమం, సామాజిక, ఆర్థిక అభివృద్ధి కోసం తెలంగాణ రజక సంఘం నిరంతరం పోరాడుతుందని ఆ సంఘం జయశంకర్ భూపాలపల్లి జిల్లా అధ్యక్షుడు అయిత బాపు తెలిపారు.బుధవారం మహా ముత్తారం మండలం యామనపల్లి గ్రామంలో జిల్లా అధ్యక్షుడు అయిత బాపు ఆధ్వర్యంలో మహా ముత్తారం మండల రజక సంఘం నూతన కమిటీని ఏకగ్రీవంగా ఎన్నుకున్నారు. మండల అధ్యక్షుడిగా జంగాపల్లి తిరుపతి, ప్రధాన కార్యదర్శిగా కనుకుల శంకర్ ఏకగ్రీవంగా నియమితులయ్యారు.
ఈ సందర్భంగా అయిత బాపు మాట్లాడుతూ రజకుల సమస్యల పరిష్కారం కోసం మండల స్థాయిలో సంఘటితంగా పనిచేయాలని పిలుపునిచ్చారు. నూతనంగా ఎన్నికైన మండల కమిటీ సభ్యులు రజకుల సమస్యలను అధికారుల దృష్టికి తీసుకెళ్లి పరిష్కారం కోసం కృషి చేయాలని ఆయన సూచించారు. రజక సంఘాన్ని గ్రామస్థాయి నుంచి మరింత బలోపేతం చేసి, ఐక్యతతో ముందుకు సాగాలన్నారు. ఈ కార్యక్రమంలో భూపాలపల్లి జిల్లా కుల సంఘాల జేఏసీ చైర్మన్ పీక కిరణ్, సంఘం నాయకులు పాల్గొన్నారు