కిచెన్ గార్డెన్... ఆరోగ్యమే మన సంపద

వేముల మేజర్ న్యూస్,:
గ్రామీణ కుటుంబాల్లో పోషకాహార భద్రతను పెంపొందించడంతో పాటు, ఇంటి వద్దే తాజా ఆకుకూరలు, కూరగాయలను సాగు చేసుకునేలా ప్రోత్సహించేందుకు వేముల మండలంలో కిచెన్ గార్డెన్ కిట్స్ పంపిణీ కార్యక్రమం నిర్వహించారు.
ఈ సందర్భంగా మహిళా స్వయం సహాయక సంఘాల సభ్యులు, గ్రామీణ కుటుంబాలకు కిచెన్ గార్డెన్ కిట్స్ అందజేశారు. ఇంటి పరిసరాల్లో అందుబాటులో ఉన్న స్థలాన్ని వినియోగించుకుని వివిధ రకాల ఆకుకూరలు, కూరగాయలను సాగు చేసుకోవాలని సూచించారు.
ఈ సందర్భంగా వెలుగు–డీఆర్డీఏ అసిస్టెంట్ ప్రాజెక్ట్ మేనేజర్ (APM) ఆంజనేయులు మాట్లాడుతూ, ప్రతి కుటుంబం కిచెన్ గార్డెన్‌ను ఏర్పాటు చేసుకోవడం ద్వారా ఆరోగ్యకరమైన, తాజా కూరగాయలను ఇంటి వద్దే పండించుకోవచ్చని తెలిపారు. మహిళా స్వయం సహాయక సంఘాల సభ్యులు కిచెన్ గార్డెన్ల ఏర్పాటులో చురుకైన భాగస్వామ్యం వహించాలని సూచించారు.
“ప్రతి కుటుంబం ఇంటి ఆవరణలో కిచెన్ గార్డెన్ ఏర్పాటు చేసుకుని, ఆరోగ్యకరమైన కూరగాయలను స్వయంగా పండించుకోవాలి. మహిళా సంఘాల భాగస్వామ్యంతో కిచెన్ గార్డెన్లను విస్తృతంగా ప్రోత్సహించాలి” అని APM ఆంజనేయులు పేర్కొన్నారు.
కిచెన్ గార్డెన్ల ద్వారా కుటుంబాలకు అవసరమైన ఆకుకూరలు, కూరగాయలు అందుబాటులోకి రావడంతో పాటు మార్కెట్‌పై ఆధారపడటం కొంతవరకు తగ్గుతుందని అధికారులు తెలిపారు. సహజ, సేంద్రియ పద్ధతుల్లో సాగు చేయడం ద్వారా కుటుంబ సభ్యులకు సురక్షితమైన ఆహారం అందించవచ్చని వివరించారు.
మహిళా స్వయం సహాయక సంఘాల సభ్యులు తమ గ్రామాల్లోని కుటుంబాలకు కిచెన్ గార్డెన్ల ప్రయోజనాలను వివరించి, వాటి ఏర్పాటుకు అవసరమైన సాంకేతిక సూచనలు అందించాలని సూచించారు. ప్రతి గ్రామంలో qకిచెన్ గార్డెన్ల సంఖ్యను పెంచేందుకు సమన్వయంతో చర్యలు చేపట్టాలని తెలిపారు.
కిచెన్ గార్డెన్ కార్యక్రమం కేవలం కూరగాయల సాగుకే పరిమితం కాకుండా పోషకాహారం, ఆరోగ్యం, కుటుంబ ఆర్థిక పొదుపు, పర్యావరణ పరిరక్షణ వంటి అంశాలకు దోహదపడుతుందని అధికారులు పేర్కొన్నారు.
ఈ కార్యక్రమంలో కమ్యూనిటీ కో ఆర్డినేటర్ లు, మహిళా స్వయం సహాయక సంఘాల సభ్యులు, గ్రామ సమాఖ్య ప్రతినిధులు, సీసీలు, వీఓఏలు, సంబంధిత సిబ్బంది తదితరులు పాల్గొన్నారు.

పి కృష్ణ పులివెందుల స్టాప్ రిపోర్టర్ కడప జిల్లా