వడ్లమూడిలో సంగం డైరీ సీడ్స్ డిస్ట్రిబ్యూటర్లు, డీలర్ల సమావేశం

సంగం మిల్క్ ప్రొడ్యూసర్ కంపెనీ లిమిటెడ్ ఆధ్వర్యంలో సంగం డైరీ సీడ్స్ డిస్ట్రిబ్యూటర్లు మరియు డీలర్ల సమావేశం మంగళవారం వడ్లమూడిలోని సంగం డైరీ ప్రధాన కార్యాలయ ఆవరణలో ఘనంగా జరిగింది.ఈ సమావేశానికి సంగం డైరీ మేనేజింగ్ డైరెక్టర్ పి. గోపాలకృష్ణన్, చీఫ్ ఆపరేటింగ్ ఆఫీసర్ పి. అనిల్, ప్రాజెక్ట్ ఎగ్జిక్యూటివ్ డైరెక్టర్ డా. ఆలపాటి సత్యనారాయణ, బిజినెస్ అనాలసిస్ అండ్ స్ట్రాటజీ హెడ్ దూళిపాళ్ల . వైదీప్తి హాజరయ్యారు.ఈ సందర్భంగా సంగం డైరీ సీడ్స్ అందిస్తున్న నాణ్యమైన విత్తన ఉత్పత్తులను రైతులకు మరింత చేరువ చేయడం, ప్రస్తుత మార్కెట్‌లో ఎదురవుతున్న సవాళ్లు, వ్యాపారంలో ఉన్న లోటుపాట్లపై విస్తృతంగా చర్చించారు.అనంతరం డిస్ట్రిబ్యూటర్లు, డీలర్లు తమ అభిప్రాయాలు, సూచనలను యాజమాన్యంతో పంచుకున్నారు. రైతు సంక్షేమమే లక్ష్యంగా రైతులకు అత్యంత నాణ్యమైన విత్తనాలను అందించడంలో సంగం డైరీ సీడ్స్ ఎల్లప్పుడూ ముందుంటుందని ఈ సందర్భంగా యాజమాన్యం స్పష్టం చేసింది.

పొన్నూరు   NDP  సూర్య రిపోర్టర్ :- సిలార్