మరిపెడలో ఉచిత నేత్ర వైద్య శిబిరం

మరిపెడ ప్రతినిధి, మహబూబాబాద్ జిల్లా మరిపెడ మున్సిపల్ కేంద్రంలోని ఎస్సీ కమ్యూనిటీ హాల్లో బుధవారం ఖమ్మం శారద కంటి ఆసుపత్రి ఆధ్వర్యంలో ఉచిత కంటి వైద్య శిబిరాన్ని నిర్వహించారు. ఈ శిబిరానికి మున్సిపల్ చైర్‌పర్సన్ వీసారపు ప్రగతి శ్రీపాల్ రెడ్డి ముఖ్య అతిథిగా హాజరై శిబిరాన్ని ప్రారంభించారు.ఈ సందర్భంగా చైర్‌పర్సన్ మాట్లాడుతూ ప్రజలకు కంటి ఆరోగ్యంపై అవగాహన  కలగి ఉండాలన్నారు.శారద కంటి వైద్యశాల వైద్యులు ప్రజలకు నేత్ర సంరక్షణపై అవగాహన కల్పించడంతో పాటు, అవసరమైన వారికి ఉచితంగా కంటి పరీక్షలు, వైద్య సలహాలు అందించడం అభినందనీయమన్నారు. ఇటువంటి ఉచిత వైద్య శిబిరాలను ప్రజలు సద్వినియోగం చేసుకోవాలని సూచించారు.
శిబిరంలో స్థానిక ప్రజలకు కంటి పరీక్షలు నిర్వహించి, అవసరమైన వారికి వైద్యుల సూచనలు, కంటి అద్దాలు అందించారు. ప్రజల ఆరోగ్య పరిరక్షణకు ఇలాంటి సేవా కార్యక్రమాలు ఎంతో ఉపయోగకరమని నిర్వాహకులను అభినందించారు.కార్యక్రమంలో కో-ఆప్షన్ సభ్యులు షేక్ సలీమా తాజోద్దీన్,షేక్ అజీజ్, బాషిత్ ఖాన్,బాషిపంగు ఇద్దయ్య,కిరణ్, వికాస్, వీరభద్రం,రాకేష్, శివ, శ్రీకాంత్, రాజు, రాజా స్వామి తదితరులు పాల్గొన్నారు.