బుచ్చయ్యపేటలో టిడిపికి భారీ షాక్ మల్లం టిడిపి నుంచి వైసీపీ లోకి భారీ చేరికలు

బుచ్చయ్యపేట, సూర్య :- మండలంలో మల్లం మరియు ఎం.భూపతిపాలెం గ్రామ టిడిపి నాయకులు గురువారం మాజీ మంత్రి, చోడవరం నియోజకవర్గం వైసిపి ఇంచార్జ్ , పశ్చిమ గోదావరి జిల్లాల ఉమ్మడి రీజినల్ కోఆర్డినేటర్ గుడివాడ అమర్నాథ్ ఆధ్వర్యంలో వైసీపీ లో చేరారు. ఆయా గ్రామాల స్థానిక వైసీపీ నాయకులు, మాజీ జెడ్పిటిసి దొండా రాంబాబు మరియు మండల పార్టీ అధ్యక్షులు జోగా కొండబాబు సమక్షంలో వీరిని పార్టీలోకి ఆహ్వానించారు. మల్లం గ్రామం నుంచి టిడిపి నాయకులు గొలగాని గోవిందరాజు, గొలగాని రమణ, మొరిగితి రాజు, కందక దేముడు మరియు బిజెపి నాయకుడు గొలగాని రాము నాయుడు చేరగా మల్లం భూపతి పాలెం గ్రామం నుంచి మాజీ సర్పంచ్ భోగాది అప్పలనాయుడు పెద్ద కుమారుడు భోగాది అప్పారావు, కళ్ళం చిన్నమనాయుడు తదితరులు వైసీపీలో చేరారు. వీరికి మాజీ మంత్రి గుడివాడ అమర్నాథ్ పార్టీ కండువా వేసి పార్టీలోకి ఆహ్వానించారు. ఈ కార్యక్రమంలో మండల వర్కింగ్ ప్రెసిడెంట్ నమ్మి అప్పలరాజు, గొల్లవిల్లి సత్యనారాయణ, మాజీ సర్పంచ్ లు బర్ల శివ, మువ్వల అప్పారావు, లోవరాజు, ఐబాబు, అప్పలనాయుడు, వైస్ ప్రెసిడెంట్ రాము, కరణం నాగేశ్వరరావు, ఎస్ గణేష్ తదితరులు పాల్గొన్నారు.

రిపోర్టర్ : వెంకట్రావు

 బుచ్చయ్య పేట, అనకాపల్లి జిల్లా