లో-వోల్టేజ్ సమస్యపై హద్నూర్ సబ్ స్టేషన్ ముట్టడించిన రైతులు

లో-వోల్టేజ్ సమస్యపై హద్నూర్ సబ్ స్టేషన్ ముట్టడించిన రైతులు

న్యాల్కల్ : తీవ్ర లో-వోల్టేజ్ సమస్యతో పంటలు ఎండిపోతున్నాయని ఆగ్రహించిన రైతులు గురువారం హద్నూర్ విద్యుత్ సబ్ స్టేషన్ ను ముట్టడించారు.న్యాల్కల్ మండలం హద్నూర్ విద్యుత్ సబ్ స్టేషన్ పరిధిలో వ్యవసాయానికి సరఫరా చేస్తున్న త్రీఫేజ్ కరెంటులో తీవ్ర లో-వోల్టేజ్ సమస్య నెలకొందని రైతులు ఆవేదన వ్యక్తం చేశారు. లో-వోల్టేజ్ కారణంగా పంటలకు సకాలంలో నీరు అందక పంటలు ఎండిపోతున్నాయని వాపోయారు.అంతేకాకుండా వోల్టేజ్ సమస్యతో మోటార్లు కాలిపోయి తీవ్రంగా నష్టం వాటిల్లుతోందని ఆగ్రహం వ్యక్తం చేశారు. వెంటనే సమస్యను పరిష్కరించాలని డిమాండ్ చేశారు.సమస్యను త్వరలోనే పరిష్కరిస్తామని విద్యుత్ శాఖ అధికారులు హామీ ఇవ్వడంతో రైతులు ఆందోళన విరమించారు.