కోలం సంఘం నూతన అధ్యక్షుడు బొజ్జిరావుకు ఘన సన్మానం

సూర్య తిర్యాణి : తిర్యాణి కోలం సంఘం మండల నూతన అధ్యక్షుడిగా నియమితులైన బొజ్జిరావును బీఆర్ఎస్ మండల అధ్యక్షుడు హనుమండ్ల జగదీష్ శాలువాతో ఘనంగా సన్మానించారు. నూతన బాధ్యతలు చేపట్టిన ఆయనకు శుభాకాంక్షలు తెలిపి, సంఘ అభివృద్ధికి కృషి చేయాలని ఆకాంక్షించారు.ఈ సందర్భంగా జగదీష్ మాట్లాడుతూ.. సంఘ సభ్యులను సమన్వయం చేసుకుంటూ వారి సమస్యల పరిష్కారానికి చొరవ చూపాలని సూచించారు. కోలం సంఘం అభివృద్ధికి, సభ్యుల సంక్షేమానికి ప్రాధాన్యం ఇస్తూ ముందుకు సాగాలని కోరారు. బొజ్జిరావు తన బాధ్యతలను సమర్థంగా నిర్వర్తిస్తారన్న ఆశాభావాన్ని వ్యక్తం చేశారు.

అనంతరం బొజ్జిరావు మాట్లాడుతూ.. తనను మండల అధ్యక్షుడిగా నియమించినందుకు కృతజ్ఞతలు తెలిపారు. తనపై ఉంచిన నమ్మకాన్ని నిలబెట్టుకుంటానని, సభ్యుల సహకారంతో సంఘ అభివృద్ధికి కృషి చేస్తానని పేర్కొన్నారు. తనను సన్మానించిన జగదీష్‌కు ధన్యవాదాలు తెలిపారు.కార్యక్రమంలో బీఆర్ఎస్ నాయకులు, కార్యకర్తలు, కోలం సంఘం సభ్యులు పాల్గొని బొజ్జిరావుకు శుభాకాంక్షలు తెలియజేశారు.