కాలు కోల్పోయిన కూలికి మానవతా హస్తం

రూ.65 వేల కృత్రిమ కాలు అందజేత.
వెంకటాపురం నూగూరు, అక్టోబర్ 02, మేజర్ న్యూస్ సూర్య:కర్రేగుట్ట అటవీ ప్రాంతంలో ల్యాండ్‌మైన్ ప్రమాదంలో కాలు కోల్పోయి రెండేళ్లుగా ఉపాధి లేక అల్లాడుతున్న వెంకటాపురం మండలం ఇప్పగూడెం గ్రామానికి చెందిన బొగ్గుల కృష్ణకు కాఫెడ్ సంస్థ,వైరా ఎస్ఐ పి.రామారావు,దాత శ్రీనివాసరావు సంయుక్తంగా రూ.65 వేల విలువైన కృత్రిమ కాలును అమర్చి మానవత్వం చాటారు.వివరాల్లోకి వెళ్తే... ఇప్పగూడెం గ్రామానికి చెందిన కృష్ణ రెండేళ్ల క్రితం కర్రేగుట్టకు వెళ్లినప్పుడు ల్యాండ్‌మైన్ పేలి కాలు కోల్పోయాడు.అప్పటి నుంచి నడవలేక కూలీ పనులకు వెళ్లలేకపోతున్నాడు. ముగ్గురు పిల్లలతో కుటుంబ పోషణ భారమంతా భార్యపై పడింది.ఈ విషయాన్ని కాఫెడ్ యానిమేటర్లు స్వరూప, పద్మ గుర్తించి వైరా ఎస్ఐ పి.రామారావు దృష్టికి తీసుకెళ్లారు. సామాజిక  సేవలో ముందుండే రామారావు వెంటనే స్పందించి ధాత శ్రీనివాసరావు సహకారంతో బాధితుడికి అండగా నిలిచారు.  విజయవాడలో కృత్రిమ కాలు అమర్చచారు.ఆ కుటుంబానికి ఆసరా అయ్యారు.
కృత్రిమ కాలు అందుకున్న కృష్ణ మాట్లాడుతూ తనకు అండగా నిలిచిన అందరికీ కృతజ్ఞతలు తెలిపాడు. కాఫెడ్ డైరెక్టర్ బ్రదర్ కె.లూర్దురాజు మాట్లాడుతూ.. వెనుకబడిన కుటుంబాలకు అండగా నిలవడం తమ సంస్థ బాధ్యత అని, ఇలాంటి దాతల సహకారం సమాజానికి స్ఫూర్తిదాయకమని అన్నారు.