10 గ్రాములతో వ్యక్తి పట్టివేత

అనుమానాస్పదంగా తిరుగుతుండగా అదుపులోకి తీసుకున్న పోలీసులు

మర్పల్లి, మేజర్ న్యూస్(అక్టోబర్ 3):
మర్పల్లి మండల పరిధిలో గంజాయితో ఓ వ్యక్తిని పోలీసులు అదుపులోకి తీసుకున్నారు. శనివారం మధ్యాహ్నం 1 గంట ప్రాంతంలో అబ్దుల్ రహమాన్ వెంచర్ సమీపంలో ఓ వ్యక్తి అనుమానాస్పదంగా తిరుగుతుండటాన్ని గమనించిన మర్పల్లి పోలీసులు అతడిని అదుపులోకి తీసుకుని తనిఖీ చేశారు.తనిఖీల్లో సదరు వ్యక్తి వద్ద 10 గ్రాముల గంజాయి లభించడంతో పోలీసులు స్వాధీనం చేసుకున్నారు. అనంతరం అతడిపై కేసు నమోదు చేసినట్లు మర్పల్లి ఎస్‌ఐ అబ్దుల్ రావుఫ్ తెలిపారు. గంజాయి అక్రమ రవాణా, విక్రయాలు, వినియోగంపై నిఘా కొనసాగిస్తున్నట్లు పోలీసులు పేర్కొన్నారు. పట్టుకున్న వారిలో కానిస్టేబుల్ రమేష్, తదితరులున్నారు.

రిపోర్టర్ రాములు.

Also Read: అదృశ్యమైన వివాహిత మహిళ హత్య