సూర్య ఉట్నూర్ : ఉట్నూర్ ప్రభుత్వ డిగ్రీ కళాశాల హిందీ విభాగం ఆధర్యంలో హిందీ దివస్ ఘనంగా నిర్వహించారు ఈ కార్యక్రమానికి అధ్యక్షత డాక్టర్ కె కాంచన వహించారు. ముఖ్య అతిథి ప్రిన్సిపాల్, టీ ప్రతాప్ సింగ్ మాట్లాడుతూ… భారతదేశానికి స్వాతంత్ర్యం వచ్చిన తరువాత దేశానికి అధికారిక భాష అవసరమైంది. భారత రాజ్యాంగ సభ 1949 సెప్టెంబర్ 14న దేవనాగరి లిపిలోని హిందీని కేంద్ర ప్రభుత్వ అధికారిక భాషగా ఆమోదించింది. ఈ చారిత్రక నిర్ణయాన్ని గుర్తు చేసుకుంటూ ప్రతి సంవత్సరం సెప్టెంబర్ 14న హిందీ దివస్‌ను నిర్వహిస్తున్నారు.భారత రాజ్యాంగంలోని ఆర్టికల్ 343 ప్రకారం దేవనాగరి లిపిలోని హిందీని కేంద్ర ప్రభుత్వ అధికారిక భాషగా పేర్కొన్నారు. హిందీతో పాటు భారతదేశంలోని ఇతర భాషలకు కూడా రాజ్యాంగం గౌరవం కల్పించింది.హిందీ భారతదేశంలోని అనేక ప్రాంతాల ప్రజలను భాషాపరంగా అనుసంధానించే ముఖ్యమైన భాషగా ఉంది. హిందీ సాహిత్యం కూడా భారతీయ సంస్కృతి, సంప్రదాయాలు మరియు సామాజిక జీవనాన్ని ప్రతిబింబిస్తుంది. ఒక భాషకు సంబంధించిన దినోత్సవం మాత్రమే కాదు. ఇది భారతదేశంలోని భాషా వైవిధ్యాన్ని గౌరవిస్తూ, హిందీ భాష అభివృద్ధి మరియు వినియోగాన్ని ప్రోత్సహించే ముఖ్యమైన రోజు. భారతదేశంలోని అన్ని భాషలను గౌరవిస్తూ హిందీ భాషను కూడా అభివృద్ధి చేయడం ప్రతి ఒక్కరి బాధ్యత, ఈ కార్యక్రమంలో హిందీ అధ్యాపకులు డాక్టర్.కే కాంచన, వైస్ ప్రిన్సిపాల్ డాక్టర్ సాయి ప్రసాద్, రాణి, ముజీబ్,కళాశాల సిబ్బంది విద్యార్థులు తదితరులు పాల్గొన్నారు
