గణనాథుడి లడ్డూకు రూ.1.80 లక్షల ధర

వేలం పాటలో లడ్డూను దక్కించుకున్న కేశపల్లి గురువీర్‌రెడ్డి, కటకం సునీల్

చేవెళ్ల, మేజర్ న్యూస్ (సెప్టెంబర్ 24):చేవెళ్ల మున్సిపాలిటీ 13వ వార్డు కేసారం గ్రామంలో గణేష్ ఉత్సవాల సందర్భంగా మహాగణనాథుడి ప్రసాదమైన లడ్డూ వేలం పాటను ఘనంగా నిర్వహించారు. కేసారం గ్రామ గణేష్ కమిటీ ఆధ్వర్యంలో నిర్వహించిన ఈ వేలం పాటలో లడ్డూకు రూ.1,80,000 ధర పలికింది.వేలం పాటలో కేశపల్లి గురువీర్‌రెడ్డి, కటకం సునీల్ రూ.1.80 లక్షలకు లడ్డూను కైవసం చేసుకున్నారు. చేవెళ్ల మున్సిపల్ వైస్ చైర్మన్ కాసుల రాముగౌడ్ ఆధ్వర్యంలో వేలం పాట నిర్వహించారు. ఈ సందర్భంగా గణేష్ కమిటీ సభ్యులు, భక్తులు, గ్రామస్థులు పెద్ద సంఖ్యలో పాల్గొన్నారు. భక్తిశ్రద్ధలతో నిర్వహించిన గణేష్ ఉత్సవాల్లో లడ్డూ వేలం పాట ప్రత్యేక ఆకర్షణగా నిలిచింది.