పోక్సో కేసులో నిందితుడికి 10 ఏళ్ల కఠిన కారాగార శిక్ష

రూ.1.10 లక్షల జరిమానా.. బాధితురాలి తల్లిదండ్రులకు రూ.లక్ష నష్టపరిహారం

విశాఖపట్నం, సెప్టెంబర్ 25, మేజర్ న్యూస్: మైనర్ బాలిక ఆత్మహత్యకు కారణమైన కేసులో నిందితుడికి విశాఖపట్నం స్పెషల్ పోక్సో కోర్టు 10 ఏళ్ల కఠిన కారాగార శిక్షతో పాటు రూ.1.10 లక్షల జరిమానా విధిస్తూ తీర్పు వెలువరించింది. జరిమానాలో రూ.10 వేలను రాష్ట్ర ప్రభుత్వానికి, రూ.లక్షను బాధితురాలి తల్లిదండ్రులకు నష్టపరిహారంగా చెల్లించాలని ఆదేశించింది.

2022లో ఎయిర్‌పోర్ట్‌ పోలీస్‌ స్టేషన్‌ పరిధిలో ఈ కేసు నమోదైంది. 17 ఏళ్ల మైనర్ బాలికను నిందితుడు ఉండ ఎర్ని విజయ్ గణపతి కృష్ణ కుమార్ బయటకు తీసుకెళ్లి, ఎలుకల మందు తిని ఆత్మహత్య చేసుకునేలా ప్రేరేపించడంతో ఆమె మృతి చెందినట్లు తండ్రి ఫిర్యాదు చేశారు. దీంతో పోలీసులు కేసు నమోదు చేసి దర్యాప్తు చేపట్టారు విచారణ అనంతరం నిందితుడిపై అభియోగాలు రుజువైనట్లు నిర్ధారించిన న్యాయస్థానం శిక్ష, జరిమానా విధించింది.
న్యాయస్థానం తీర్పుతో బాధిత కుటుంబానికి న్యాయం జరిగినట్లు పోలీస్‌ అధికారులు తెలిపారు