రేపు సాయంత్రానికి వినాయక నిమజ్జనం పూర్తి

ఇప్పటికి 88 వేల విగ్రహాల నిమజ్జనం పూర్తి.. మరో 31,765 విగ్రహాలు పెండింగ్‌

హైదరాబాద్‌: నగరంలో కొనసాగుతున్న విగ్రహాల నిమజ్జన ప్రక్రియపై తెలంగాణ డీజీపీ సీవీ ఆనంద్ కీలక వివరాలు వెల్లడించారు. నిమజ్జనం కోసం ఏర్పాటు చేసిన విగ్రహాలకు జియో ట్యాగింగ్‌ చేసినట్లు తెలిపారు. దీని ద్వారా విగ్రహాల తరలింపు, నిమజ్జనం ప్రక్రియను పర్యవేక్షిస్తున్నట్లు పేర్కొన్నారు.ఇప్పటి వరకు 88 వేల విగ్రహాలు నిమజ్జనం పూర్తయినట్లు డీజీపీ సీవీ ఆనంద్ వెల్లడించారు. ఇంకా 31,765 విగ్రహాలు నిమజ్జనం కావాల్సి ఉందని తెలిపారు.

నగరంలో నిమజ్జన కార్యక్రమాలు కొనసాగుతున్న నేపథ్యంలో పోలీసులు విస్తృతంగా బందోబస్తు ఏర్పాటు చేశారు. ప్రధాన నిమజ్జన ప్రాంతాలు, రహదారులు, ఊరేగింపు మార్గాల్లో ప్రత్యేక నిఘా ఏర్పాటు చేసి పరిస్థితిని పర్యవేక్షిస్తున్నట్లు అధికారులు తెలిపారు.మిగిలిన విగ్రహాల నిమజ్జనం కూడా వేగంగా కొనసాగుతోందని డీజీపీ తెలిపారు. పరిస్థితులు అనుకూలంగా ఉంటే రేపు సాయంత్రానికి నిమజ్జన కార్యక్రమాలు పూర్తయ్యే అవకాశం ఉందని సీవీ ఆనంద్ పేర్కొన్నారు.విగ్రహాల నిమజ్జనం సందర్భంగా ప్రజలు పోలీసులకు సహకరించాలని, ఊరేగింపులు, రాకపోకల సమయంలో సూచనలు పాటించాలని అధికారులు కోరుతున్నారు.