కార్పొరేషన్ ఎన్నికలకు సంబంధించి నిర్దేశించిన విధులను నిబద్ధతతో నిర్వహించాలని కమిషనర్/ అదనపు ఎన్నికల -అధికారి వై.ఓ. నందన్
కార్పొరేషన్ ఎన్నికలకు సంబంధించి నిర్దేశించిన విధులను నిబద్ధతతో నిర్వహించాలని కమిషనర్/ అదనపు ఎన్నికల -అధికారి వై.ఓ. నందన్
నెల్లూరు, రవితేజ బ్యూరో, మేజర్ న్యూస్: రాష్ట్ర ఎన్నికల సంఘం ఆదేశాల మేరకు నెల్లూరు నగరపాలక సంస్థ పరిధిలో జరగనున్న కార్పొరేషన్ ఎన్నికలకు సంబంధించి నిర్దేశించిన విధులను నిబద్ధతతో నిర్వహించాలని కమిషనర్/ అదనపు ఎన్నికల అధికారి వై.ఓ. నందన్ సూచించారు.
కార్యాలయంలోని కమాండ్ కంట్రోల్ సెంటర్ విభాగంలో ఎన్నికలకు సంబంధించిన అధికారులు సిబ్బందితో సమీక్ష సమావేశాన్ని శుక్రవారం నిర్వహించారు.
ఎన్నికల సంఘం నిర్దేశించిన ఆదేశాలను పాటిస్తూ విభాగాల వారీగా తమకు కేటాయించిన విధులను బాధ్యతగా నిర్వహించాలని సూచించారు. ఎన్నికల నియమావళిని పాటిస్తూ, ఎన్నికల ప్రక్రియను విజయవంతంగా పూర్తి చేసేలా ప్రతిఒక్క సిబ్బంది తమ వంతు కృషి అందజేయాలని కమిషనర్ సూచించారు.
ఈ కార్యక్రమంలో అదనపు కమిషనర్ హిమబిందు, డిప్యూటీ కమిషనర్ చెన్నుడు, టి.పి.ఆర్.ఓ వాసుబాబు, సిటీ ప్లానర్ రఘునాథరావు, సెక్రటరీ శ్రీలక్ష్మి, ఎగ్జామినర్ శంకర్ నారాయణ రెడ్డి,మేనేజర్ రాజేశ్వరి,ఎన్నికల విభాగం అధికారులు, సిబ్బంది పాల్గొన్నారు
