అంగన్వాడి కేంద్రం లో ఉత్సవాలు .! *ఉత్సవాల్లో సూపర్ వైజర్ తాడ్డి. శ్రీదేవి.!

           
మెరకముడిదాం సెప్టెంబర్ 25 మేజర్ న్యూస్. ప్రధానమంత్రి నరేంద్ర మోడీ 25 సంవత్సరాల ప్రజాసేవలను పురస్కరించుకొని సేవా సంకల్ప్ అభియాన్ కార్యక్రమంలో భాగంగా అంగన్వాడి ఉత్సవాలు మరియు పోషణ మహా కార్యక్రమంను   ఇప్పలవలస గ్రామంలో ఘనంగా నిర్వహించారు. ఐసిడిఎస్ సూపర్వైజర్ శ్రీమతి టి. శ్రీదేవి ఆధ్వర్యంలో ఈ  కార్యక్రమం జరిగింది. ఈ కార్యక్రమంలో సూపర్వైజర్ శ్రీదేవి మాట్లాడుతూ ప్రతి అంగన్వాడీ కేంద్రంలో  మూడు రోజులపాటు అంగన్వాడి ఉత్సవాలు జరుతున్నామన్నారు.  ఈనెల 26 నుండి అక్టోబర్ 7వ తేదీ వరకు షెడ్యూల్ ప్రకారం ఉత్సవ కార్యక్రమాలు జరుగుతాయన్నారు. ఈ కార్యక్రమంలో అంగన్వాడి కేంద్రంలో అందించే సేవలు గురించి, ప్రభుత్వ పథకాల గురించి లబ్ధిదారులకు  వివరించారు. ఈ సందర్భంగా ప్రీస్కూల్ పిల్లల తల్లి ఆర్. కుమారి మాట్లాడుతూ తమ పిల్లలకు అంగన్వాడీ కేంద్రాల ద్వారా ప్రీ స్కూల్ విద్య, పౌష్టికాహారము, ఆరోగ్యపరమైన సేవలు అందిస్తున్నందుకు అంగన్వాడీ టీచర్స్ కు ఆయాలకు వైద్య సిబ్బందికి ఆమె కృతజ్ఞతలు తెలిపారు. ఈ కార్యక్రమంలో కిషోర్ బాలిక ఆర్. మౌలిక మాట్లాడుతూ పౌష్టికాహారము, వ్యక్తిగత పరిశుభ్రత గురించి అవగాహన కల్పిస్తున్న అంగన్వాడి సిబ్బందికి వైద్య సిబ్బందికి ధన్యవాదాలు తెలియజేశారు. తల్లులు అంగన్వాడి సేవలు గుర్తింపుగా అంగన్వాడీ టీచర్స్ ని పుష్పగుచ్చాలతో అభినందించారు. ఈ కార్యక్రమంలో ఇప్పలవలస అంగన్వాడీ టీచర్లు కె. పద్మ, ఆర్ వర్మ, ఆశా కార్యకర్తలు గ్రామంలో తల్లులు లబ్ధిదారులు కిషోర్ బాలికలు పాల్గొన్నారు.