దుర్గామాత పూజలో పాల్గొన్న పేరమోని నరేష్ యాదవ్

దుర్గామాత పూజలో పాల్గొన్న పేరమోని నరేష్ యాదవ్.

జిహెచ్ఎంసి జల్‌పల్లి 65వ డివిజన్ పరిధిలోని జల్‌పల్లి గ్రామంలో జై దుర్గా భవాని యూత్ అసోసియేషన్ కమిటీ ఆధ్వర్యంలో నిర్వహిస్తున్న దేవీ శరన్నవరాత్రి ఉత్సవాల్లో బిజెపి నాయకులు పేరమోని నరేష్ యాదవ్ పాల్గొని, దుర్గామాత అమ్మవారికి ప్రత్యేక పూజలు నిర్వహించారు.
నవరాత్రి ఉత్సవాల్లో భాగంగా మూడవ రోజు శ్రీ అన్నపూర్ణాదేవి అలంకరణలో అమ్మవారు భక్తులకు దర్శనమిచ్చారు. ఈ సందర్భంగా నరేష్ యాదవ్ అమ్మవారిని దర్శించుకుని భక్తిశ్రద్ధలతో పూజలు నిర్వహించారు. అనంతరం కమిటీ ఆధ్వర్యంలో నిర్వహించిన అన్నదాన కార్యక్రమంలో భక్తులతో కలిసి పాల్గొని అన్నప్రసాదాన్ని స్వీకరించారు.
ఈ సందర్భంగా బిజెపి నాయకులు పేరమోని నరేష్ యాదవ్ మాట్లాడుతూ. దుర్గామాత అమ్మవారి కృపాకటాక్షాలతో గ్రామ ప్రజలందరూ సుఖసంతోషాలతో, ఆయురారోగ్యాలతో ఉండాలని కోరుకున్నట్లు తెలిపారు.
ఈ కార్యక్రమంలో ప్రవీణ్ ముదిరాజ్, శివ గౌడ్,కమిటీ సభ్యులు యంజల్ విశ్వనాథ్, యంజల్ కుమార్, జామ రాజు, శివ కుమార్, యంజల్ శ్రీనాథ్, దేవేందర్‌ తో పాటు పలువురు గ్రామస్తులు, భక్తులు పాల్గొన్నారు.                                    అంకం జగన్ : మేజర్ న్యూస్, జల్ పల్లి.