దంతాల పరిరక్షణకు శ్రద్ధ చూపాలి

సూర్య రెంజల్  : గ్రామీణ ప్రాంతాలలోని ప్రజలు దంతాల యొక్క సంరక్షణ కొరకు శ్రద్ధ చూపాలని డాక్టర్ ఆదిత్య తేజ అన్నారు. రెంజల్ మండలంలోని దూపల్లి పంచాయతీ కార్యాలయంలో సర్పంచ్ ధనురి నరసవ్వ అబ్బయ్య ఆధ్వర్యంలో దంత వైద్య పరీక్షలను నిర్వహించారు. జిల్లా కేంద్రంలోని మేఘన డెంటల్ ఆసుపత్రి మల్లారం వారి సౌజన్యంతో గ్రామంలోని ప్రజల దంతాల సంరక్షణ కొరకు వైద్య పరీక్షలను నిర్వహించినట్లు తెలిపారు. దంతాలను సంరక్షణ పై శ్రద్ధ చూపితే వ్యాధుల బారిన పడకుండా ఉంటారని కంటి చూపు కోల్పోకుండా శ్రద్ధ చూపాలన్నారు. ఉచితంగా వైద్య పరీక్షలు నిర్వహించి మందులను అందజేశారు. మేఘన డెంటల్ కళాశాల డాక్టర్లు సాత్విక,రమ్య, అక్షిత,రోషిని,సుమ లు వైద్య పరీక్షలను నిర్వహించారు. ఈ కార్యక్రమంలో ఉప సర్పంచ్ రాణి, వార్డ్ సభ్యులు అజయ్ యాదవ్, పంచాయతీ కార్యదర్శి సలాం, మాజీ సర్పంచ్ సాయరెడ్డి, వీడిసి అధ్యక్షులు బాబన్న, గ్రామస్తులు, సిబ్బంది తదితరులు పాల్గొన్నారు.