దారితప్పిన ఎస్ ఐ ఆర్.. రేవంత్ రెడ్డి ఫైర్

భారత స్వాతంత్ర్య పోరాట చారిత్రక నేపథ్యాన్ని, రాజ్యాంగం కల్పించిన ఓటు హక్కు ప్రాముఖ్యతను గుర్తుచేస్తూ ముఖ్యమంత్రి రేవంత్ రెడ్డి తీవ్ర స్థాయిలో ధ్వజమెత్తారు. బ్రిటీష్ పాలనలో సైమన్ కమిషన్‌కు వ్యతిరేకంగా భారతీయులు ఉప్పెనలా పోరాడారని, ఆ ఉద్యమంలోనే ప్రముఖ నాయకుడు లాలా లజపతిరాయ్ ప్రాణ త్యాగం చేశారని ఆయన గుర్తుచేశారు. దేశానికి స్వాతంత్ర్యం తీసుకురావడంలో కాంగ్రెస్ పార్టీ అత్యంత కీలకపాత్ర పోషించిందని పేర్కొన్నారు.

స్వాతంత్ర్యం వచ్చిన తర్వాత మనకంటూ ఒక సర్వోన్నత రాజ్యాంగాన్ని నిర్మించుకున్నామని, ఆ రాజ్యాంగం ద్వారానే దేశంలోని ప్రతి పౌరుడికి విలువైన ఓటు హక్కు లభించిందని తెలిపారు. డాక్టర్ బి.ఆర్. అంబేద్కర్ ఎంతో అధ్యయనం చేసి ఈ ఓటు హక్కును రాజ్యాంగంలో చేర్చారని కొనియాడారు. నాడు అర్హులైన ప్రతి ఒక్కరికీ ఓటు హక్కు కల్పించేందుకే ఎస్‌ఐఆర్ (SIR) ప్రక్రియను చేపటారని, అప్పట్లో ఎంతో మంచి ఉద్దేశంతో ప్రారంభమైన ఈ ఎస్‌ఐఆర్ వ్యవస్థ ప్రస్తుతం పూర్తిగా దారి తప్పిందని రేవంత్ రెడ్డి తీవ్ర ఆందోళన వ్యక్తం చేశారు.