telanagana
ఫార్ములా ఈ-రేస్ కేసులో కేటీఆర్ డిశ్చార్జ్ పిటిషన్ దాఖలు!
హైదరాబాద్: ఫార్ములా ఈ-రేస్ కేసులో బీఆర్‌ఎస్ వర్కింగ్ ప్రెసిడెంట్, మాజీ మంత్రి కేటీఆర్ కీలక అడుగు వేశారు. ఈ కేసులో తనను నిందితుల జాబితా నుంచి తొలగించాలని కోరుతూ నాంపల్లిలోని ఏసీబీ కోర్టులో డిశ్చార్జ్ పిటిషన్ దాఖలు చేసినట్లు సమాచారం.
ఈ కేసులో కేటీఆర్‌ను ఏ-1 నిందితుడిగా పేర్కొన్న నేపథ్యంలో, చార్జిషీట్‌లో తన పేరును తొలగించాలని ఆయన కోర్టును కోరుతున్నట్లు తెలుస్తోంది. ఇప్పటికే పలుమార్లు కోర్టు విచారణకు హాజరైన కేటీఆర్.. తాజాగా డిశ్చార్జ్ పిటిషన్ దాఖలు చేయడం ప్రాధాన్యత సంతరించుకుంది.
కేటీఆర్ దాఖలు చేసిన పిటిషన్‌పై ఏసీబీ కోర్టులో త్వరలో విచారణ జరిగే అవకాశం ఉంది. ఈ పిటిషన్‌పై న్యాయస్థానం ఎలాంటి నిర్ణయం తీసుకుంటుందన్నది ఆసక్తికరంగా మారింది.
