మంచిర్యాల జిల్లాలో 289 ఉద్యోగాలు

• బీఎస్సీ అగ్రికల్చర్‌కు రూ.25 వేలు, డిప్లొమాకు రూ.20 వేలు వేతనం

సూర్య న్యూస్, మంచిర్యాల జిల్లా ప్రతినిధి : మంచిర్యాల జిల్లాలో వానాకాలం 2026–27 ధాన్యం కొనుగోలు సీజన్‌ కోసం 289 కొనుగోలు కేంద్రాల్లో తాత్కాలిక ఉద్యోగాల భర్తీకి జిల్లా వ్యవసాయ శాఖ నోటిఫికేషన్ విడుదల చేసింది. సన్నధాన్యాన్ని గుర్తించి ధ్రువీకరించేందుకు రెండు నెలల కాలానికి అభ్యర్థులను నియమించనున్నారు. బీఎస్సీ అగ్రికల్చర్ అభ్యర్థులకు నెలకు రూ.25 వేలు, అగ్రికల్చర్ డిప్లొమా అభ్యర్థులకు రూ.20 వేలు వేతనం చెల్లించనున్నారు. అర్హుల ఎంపిక మెరిట్ ఆధారంగా ఉంటుంది. ఆసక్తి గల అభ్యర్థులు ఈ నెల 14 నుంచి 17 వరకు ఉదయం 10.30 నుంచి సాయంత్రం 5 గంటలలోపు బయోడేటా, విద్యార్హత ధ్రువపత్రాలతో మంచిర్యాల జిల్లా వ్యవసాయ అధికారి కార్యాలయంలో హాజరుకావాలని జిల్లా వ్యవసాయ అధికారి ఇ.సురేఖ తెలిపారు.