మొగిలిచర్లలో టీడీపీలోకి చేరిన 6 కుటుంబాలు లింగసముద్రం (

లింగసముద్రం, మేజర్ న్యూస్ :  మండలంలోని మొగిలిచర్ల గ్రామానికి చెందిన 6 కుటుంబాలు మంగళవారం తెలుగుదేశం పార్టీలో చేరాయి కందుకూరు ఎమ్మెల్యే ఇంటూరి నాగేశ్వరరావుసమక్షంలో జరిగిన ఈ కార్యక్రమంలో పల్లాల శివయ్య, పల్లాల నారాయణరెడ్డి, పిచ్చపాటి వెంకటయ్య, పల్లాల వీరబ్రహ్మయ్య, రొడ్డ యేసుదాసులకు ఎమ్మెల్యే నాగేశ్వరరావు పసుపు కండువాలు కప్పి పార్టీలోకి సాదరంగా ఆహ్వానించారు.

ఈ సందర్భంగా కొత్తగా పార్టీలో చేరిన వారు మాట్లాడుతూ, ఎమ్మెల్యే ఇంటూరి నాగేశ్వరరావు ఆధ్వర్యంలో నియోజకవర్గంలో జరుగుతున్న అభివృద్ధి పనులు, ఆయన చిత్తశుద్ధి, నిబద్ధత తమను ఎంతగానో ఆకర్షించాయని తెలిపారు. ఇక నుంచి ఆయన అడుగుజాడల్లో నడుస్తూ పార్టీ బలోపేతానికి, రాబోయే ఎన్నికల్లో గెలుపు కోసం కృషి చేస్తామని పేర్కొన్నారు.

ఈ కార్యక్రమంలో గ్రామ నాయకులు పల్లపోతు వెంగళరావు, నీటి సంఘం చైర్మన్ బాసం పెద మాలకొండయ్య, వేముల రామారావు, కంచర్ల రవీంద్ర, పెన్నా మల్లికార్జున, పోకూరి కొండలరావు, ఓరుగంటి అనిల్ తదితరులు పాల్గొన్నారు.