ఉపాధి హామీ మేట్లకు ఒకరోజు శిక్షణ

సూర్య,భీమ్‌గల్: భీమ్‌గల్ మండల పరిషత్ కార్యాలయంలో వీబీ - జీ రామ్ జీ పథకానికి సంబంధించి నూతనంగా ఎంపికైన మేట్లకు ఒకరోజు శిక్షణ కార్యక్రమం నిర్వహించారు. ఈ సందర్భంగా మేట్ల బాధ్యతలు, విధులపై అవగాహన కల్పించారు.ప్రతి 40 మంది కూలీలకు ఒక మేటును నియమిస్తారని, వారు కూలీల హాజరు నమోదు, పనుల కొలతలు, మస్టర్ల నిర్వహణ, ఉపాధి హామీ పనుల కోసం కూలీల నుంచి డిమాండ్ సేకరణ, జాబ్ కార్డుల నిర్వహణ తదితర విధులు చేపట్టాలని శిక్షణలో వివరించారు.ఈ సందర్భంగా ఎంపీడీవో సంతోష్ కుమార్ మాట్లాడుతూ మేట్లు కూలీలకు పనులు కల్పించడంతోపాటు పనుల నాణ్యత విషయంలో రాజీ పడకూడదని సూచించారు. కూలీల సమీకరణలో చురుకుగా పాల్గొని, ఎక్కువ మంది కూలీలు ఉపాధి పనులకు హాజరయ్యేలా అవగాహన కల్పించాలని కోరారు.ఈ కార్యక్రమంలో మండలంలోని 27 గ్రామాలకు చెందిన నూతనంగా ఎంపికైన మేట్లతోపాటు ఏపీవో జి. నర్సయ్య, ఇంజినీరింగ్ కన్సల్టెంట్ పూర్ణచంద్, టెక్నికల్ అసిస్టెంట్లు గణేష్, రమేష్, స్వామిదాస్ పాల్గొన్నారు.