కొమ్ము గోపాల్‌రెడ్డిని పరామర్శించిన ఎమ్మెల్యే మనోహర్‌రెడ్డి

ఆప్యాయంగా పలకరించి ఆరోగ్య పరిస్థితిని అడిగి తెలుసుకున్న ఎమ్మెల్యే

తాండూరు, మేజర్ న్యూస్ (అక్టోబర్ 14): తాండూరు ఎమ్మెల్యే బుయ్యని మనోహర్‌రెడ్డి బుధవారం సాయంత్రం తాండూరు పట్టణంలోని సాయిపూర్‌లో నివాసం ఉంటున్న పెద్దేముల్ మండలం మారేపల్లి గ్రామానికి చెందిన కాంగ్రెస్ పార్టీ సీనియర్ నాయకుడు కొమ్ము గోపాల్‌రెడ్డిని పరామర్శించారు. ఇటీవల గోపాల్‌రెడ్డి కాలుకు గాయం కావడంతో ఆయనను కలిసి ఆరోగ్య పరిస్థితిని అడిగి తెలుసుకున్నారు. త్వరగా కోలుకోవాలని ఆకాంక్షించారు.ఈ సందర్భంగా ఎమ్మెల్యే మనోహర్‌రెడ్డి గోపాల్‌రెడ్డితో పాటు అక్కడ ఉన్న వారిని ఆప్యాయంగా పలకరిస్తూ కొద్దిసేపు మాట్లాడారు. నాయకుల యోగక్షేమాలను తెలుసుకుంటూ ఆత్మీయంగా గడిపారు.ఈ పరామర్శ కార్యక్రమంలో జిల్లా కాంగ్రెస్ పార్టీ అధ్యక్షుడు జాదవ్ దారా సింగ్, తాండూరు మున్సిపల్ చైర్‌పర్సన్ నీరజ బాల్‌రెడ్డి, తట్టెపల్లి సొసైటీ చైర్మన్ మైపాల్‌రెడ్డి, నాయకులు నారాయణరెడ్డి, శ్రీనివాస్‌రెడ్డి, ప్రభాకర్‌గౌడ్ తదితరులు పాల్గొన్నారు.