గంజాయి విక్రయానికి యత్నించిన వ్యక్తి అరెస్ట్

430 గ్రాముల గంజాయి, రెండు మొబైల్ ఫోన్లు, స్కూటీ స్వాధీనం

మొయినాబాద్ : మండలం అజీజ్‌నగర్ గ్రామంలోని శ్మశానవాటిక వద్ద గంజాయిని విక్రయించేందుకు ప్రయత్నిస్తున్నాడనే విశ్వసనీయ సమాచారం మేరకు మొయినాబాద్ పోలీసులు ఈ రోజు ప్రత్యేక తనిఖీలు నిర్వహించి, ఒక వ్యక్తిని అదుపులోకి తీసుకున్నారు. పోలీసులకు అందిన సమాచారం ప్రకారం, అజీజ్‌నగర్ గ్రామ శ్మశానవాటిక వద్ద గంజాయిని విక్రయించేందుకు ఒక వ్యక్తి వస్తున్నట్లు తెలియడంతో, సంబంధిత ఉన్నతాధికారులకు సమాచారం అందించి, పంచ సాక్షులు మరియు క్లూస్ టీమ్ సహకారంతో పోలీసులు అక్కడికి చేరుకున్నారు. మధ్యాహ్నం సుమారు 12:10 గంటలకు అక్కడ అనుమానాస్పదంగా ఉన్న వ్యక్తిని గుర్తించి, అతను పారిపోవడానికి ప్రయత్నించగా అదుపులోకి  సుకున్నారు. అదుపులోకి తీసుకున్న వ్యక్తి అంతంగారి అరుణ్ కుమార్
విచారణలో, నిందితుడు బీదర్ ప్రాంతానికి చెందిన హుస్సేన్ అనే వ్యక్తి వద్ద గంజాయిని కొనుగోలు చేసి, మొయినాబాద్ పరిసర ప్రాంతాల్లో తన స్నేహితులకు మరియు ఇతరులకు అధిక ధరకు విక్రయిస్తున్నట్లు తెలిపినట్లు పోలీసుల పేర్కొన్నారు. ఈ సందర్భంగా నిందితుడి వద్ద నుంచి 430 గ్రాముల ఎండు గంజాయి, గంజాయి వినియోగానికి ఉపయోగించే ప్యాకెట్లు, ఒక ఎలక్ట్రానిక్ తూకం యంత్రం, రెండు మొబైల్ ఫోన్లు మరియు TS12EB8065 రిజిస్ట్రేషన్ నంబరు గల స్కూటీని పోలీసులు స్వాధీనం చేసుకున్నారు. స్వాధీనం చేసుకున్న వస్తువులను పంచ సాక్షుల సమక్షంలో ప్యాక్ చేసి, గుర్తింపు గుర్తులు వేసి సీజ్ చేసినట్లు తెలిపారు.
పై విషయం లో పోలీసు వారు కేస్ నమోదు చేసి దర్యాప్తు చేస్తున్నారు.

మొయినాబాద్, మేజర్ న్యూస్ (అక్టోబర్ 14):