పెద్దకల్వల శివారులో గంజాయి పట్టివేత..

సూర్య - పెద్దపల్లి రూరల్:  మండలంలోని పెద్దకల్వల గ్రామ శివారులో బుధవారం సాయంత్రం పోలీసులు గంజాయిని స్వాధీనం చేసుకున్నారు. పోలీసుల వివరాల ప్రకారం.. పెట్రోలింగ్ నిర్వహిస్తున్న పోలీసులను చూసి ఓ వ్యక్తి అనుమానాస్పదంగా పారిపోతుండగా పట్టుకున్నారు. అతడిని ఇద్దరు పంచుల సమక్షంలో విచారించగా, భోజన్నపేటకు చెందిన జక్కుల అరుణ్‌గా గుర్తించారు. అతడి వద్ద 64.85 గ్రాముల గంజాయి లభించగా, దాని విలువ సుమారు రూ.3,250 ఉంటుందని పోలీసులు తెలిపారు. ఈ ఘటనపై పెద్దపల్లి రూరల్ ఎస్సై మధుకర్ కేసు నమోదు చేసి దర్యాప్తు చేస్తున్నట్లు వెల్లడించారు.