పిల్లల భవిష్యత్తును దృష్టిలో ఉంచుకుని ధైర్యంగా ఉండాలని భరోసా

వరికుంటపాడు మేజర్ న్యూస్ :   పోలీస్‌స్టేషన్‌ ఎదుట మహిళ సోమవారం ఆత్మహత్యాయత్నానికి పాల్పడిన ఘటనపై ఐసీడీఎస్‌ అధికారులుమంగళవారం స్పందించి జిల్లా మహిళా, శిశు సంక్షేమం, సాధికారత శాఖ పీడీ నాగ శైలజ ఆదేశాల మేరకు సఖి వన్‌స్టాప్‌ సెంటర్‌, జిల్లా బాలల పరిరక్షణ విభాగం, చైల్డ్‌లైన్‌ సిబ్బంది పామూరులోని ప్రజా వైద్యశాలకు వెళ్లి బాధితురాలిని పరామర్శించారు.  భర్త రవి ని ఆదివారం అరెస్టు కోర్టులో హాజరుపరచగా కోర్టు 14 రోజులు రిమాండ్ విధించడం జరిగినది రవిని ఆత్మకూరు సబ్ జైలు తరలించారు. తన భర్త  ఎక్కడ ఉన్నాడో తెలియక పోవడం తొ మనస్తాపానికి గురై వస్మోయిల్ ని పోలీస్‌స్టేషన్‌ ఎదుట తాగినది. గమనించిన పోలీసులు ఆమెను ఆసుపత్రికి తరలించి మెరుగైన వైద్యం కోసం పామూరుకు పంపించారు. ప్రస్తుతం ఆమె ఆరోగ్య పరిస్థితి నిలకడగా ఉందని వైద్యులు తెలిపారు.మీడియాలో వచ్చిన కథనాలపై స్పందించిన పీడీ నాగ శైలజ ఆదేశాలతో సఖి వన్‌స్టాప్‌ సెంటర్‌ అడ్మిన్‌ ఎస్‌.కె. షహనాజ్‌, కేస్‌ వర్కర్‌ శారద, డీసీపీయూ సిబ్బంది సమత, పావని, చైల్డ్‌లైన్‌ సిబ్బంది హర్షిత బాధితురాలిని పరామర్శించారు. వైద్యులతో మాట్లాడి ఆమె ఆరోగ్య పరిస్థితిని తెలుసుకున్నారు. 
అనంతరం బాధితురాలికి కౌన్సెలింగ్‌ నిర్వహించి, కుటుంబ సమస్యలను ఆవేశంతో కాకుండా చట్టపరమైన మార్గాల్లో పరిష్కరించుకోవాలని సూచించారు. ముగ్గురు చిన్నారుల భవిష్యత్తును దృష్టిలో ఉంచుకుని ధైర్యంగా ఉండాలని భరోసా కల్పించారు. అవసరమైనప్పుడు సఖి వన్‌స్టాప్‌ సెంటర్‌ సేవలను వినియోగించుకోవచ్చని తెలిపారు. కౌన్సెలింగ్‌ అనంతరం బాధితురాలు తన పిల్లలను చూసుకుంటానని, ఇంటికి వెళ్లాలని కోరినట్లు అధికారులు వెల్లడించారు. పోలీసుల సహకారంతో ఆమెను ఇంటికి తీసుకెళ్లేందుకు సఖి బృందం చర్యలు చేపట్టింది.